رد: البنات دوااافير
من وجهة نظري الشخصية..
من المعروف علميًا أنه الفتاة تصل لمرحلة النضج العقلي قبل الشباب..
البنت ممكن تصير عاقلة من 18 سنة أو أقل أحيانًا ((في استثناءات طبعًا)) بينما الشباب عامة يوصلوها ع الـ 23 أو 25 و بعض الشباب يوصل للــ 30 و هو لسا في طيش و عدم التزام..
و طبعًا دا بشكل عام و الشواذ كثيرة..
فبشكل عام كل ما الواحد كان أعقل كل ما حس بأهمية الدراسة و بأهمية المستقبل و بشكل عام,,
كل ما حس بمسؤولية لتحقيق هدفه أيًا كان و إن كان الغرض أعوج..
بمعنى مو شرط الواحد تكون غايته سليمة،، ممكن يبغى الشهادة عشان نظرة المجتمع و في اللي يبغاها بس لمجرد أنه اسمي عندي شهادة..
و ما يدرسوا لأنهم فعلاً يبغوا يتعلموا أو ع الأقل يأمنوا مستقبلهم..
من ناحية أخرى أنا أشوف أنه كل ما زادت المسؤوليات على الشخص كل ما أنجز أكثر..
يعني اللي ألاحظه أنه البنت اللي متزوجة و عندها عيال تحل الهومووركات و تذاكر للاختبارات أكثر من البنت اللي مدللة في بيت أهلها و عندها شغالة كمان..
كل ما الواحد زادت عليه المسؤووليات كل ما كان مسؤول أكثر و عنده القدرة على تنظيم حياته و تدبير أموره..
اللي مو متعود يتحمل مسؤولية ما راح يتحمل مسؤولية الدراسة..
و في الغالب البنت عندها مسؤوليات أكثر من الولد..
إن كان من اهتمام بالمنزل أو اهتمام بنفسها و غرفتها كأبسط شي،، و إذا عندها عيال أو أخوان صغار أو إذا كانت هي قائمة بدور ربة المنزل و إن كانت غير متزوجة..
هنا نلقاها بتنجز أكثر و عن تجربة شخصية حصلت لي..
لما أمي و أبوي غابوا فترة عن البيت لظروف صحية و اتحملت مسؤولية البيت،، كنت أذاكر و أحل واجباتي و أطبخ و أزبط أمور البيت و أصحى من بدري عشان أصحي أخوي ع المدرسة و و و..
و الجميل أني كنت ألقى وقت أتفرغ فيه لنفسي ألعب و أجلس ع الاب و كنت أنام بدري و أصحى بدري..
و لما رجعوا الوالد و الوالدة رجع فيني الاستهتار بالدراسة اللي كان أول و الله المستعان..
و تظل الأسباب كثير و شخصية،، كل شخص و له حاجة تأثر فيه و لا ننسى,,
أنه أصلاً عدد الإناث أكثر من الذكور..
بالتوفيق للجميع||~
|