السلام عليكم
انا قدمت ع منح السفاره اليمنيه بشهر يناير 2013
دي السنه يعني
وبعد ماطلع اسمي اتصلوا علي ودفعت ال 1000 ريال ف البنك الهولندي
وبعدها ب ست شهور يعني شهر 8 ميلادي اتصلت الملحقيه واعطوني رقم معامله ع اساس اراجع فيه لجامعه ام القرى
وفعلا راجعت الجامعه واعطوني رقم وقالوا ان معاملتي موجوده وكلو تمام بس
لازم اسجل في بوابه القبول الموحد ع موقع جامعة ام القرى
وان التسجيل فيه حيفتح بشهر القعده اول يوم
ومافتح لكن سالت وقالوا لي سجلي بالبوابه بس تسجيل بيانات عادي
وهاليومين او الاسبوع دا لمن فتحوا بوابه القبول لغير السعوديين بالموقع سجلت فيه ووصلني رقم الطلب
طيب وبعدين :|
ايش باقي من القروشه حقتهم
ووانا سمعت وحده تقول جاها القبول بام القرئ وهي تداوم
هل هي من نفس دفعتي اللي المفروض اكون معاهم ولا هي من حقين السنه الماضيه
بيني وبينككم
زهقت من كل الهرجه
واتمنى اوصل لاجابه لاستفساري من اي احد يعرف
وهل انا وضعي كويس ولا راح علي شي
وشكرا جزيلا وايفه ع الاطاله :(
|
وعليكم السلام
انتي لحد مادفعتي وطلعلك رقم معامله كلو دا تماام
بس انك تسجلي في بوابة القبول اول مره اعرف لانو انتي تقديمك من السفاره تعتبر منحه خارجيه
مو منحه داخليه المفروض برقم معاملتك اللي صدرلك تعتبري مقبوله وتقدمي اوراقك ويتممو قبولك
وكمان التقديم اللي اعرفو انتهى من زمان ..ممكن يكون عندهم نظام جديد استفسري
والافضل احد يروح قسم الرجال ويفهم منهم لانو الحريم ماتستفيدي منهم حاجه بسهوله
شوفي الاخت اللي معانا
سيما محمد وانقبلت من ام القرى ان شاء الله تفيدك ادا عملو معاها نفس الشي او لا