[الملاك الأبيض]

محاضرة السيمنار الاولى :


اول محاضرة تكلمت فيها عن البحث وقالت انو المطلوب انو نكتب بحث عن اللغة واستخدامها اليومي في مجتمعنا وبشكل خاص اللغة العربية .

واعطتنا اوراق وطريقة ونماذج للبحث من موقعها ونزلتها لكم في المرفقات لو حابين تطلعو عليها



طبعا من ضمن المواضيع الي ممكن تتكلمو عنها انو تأثير الاعلام على لغتنا العربية وبشكل خاص على لغتنا العامية اليومية

الكود سويتشينق بين العربي والانجليزي في كلامنا

الميكس الي يصير بين الانقلش والعربي في احادثينا اليومية وظهور مايسمى بالعربيزي

الفرق بين لهجة الرجال والنساء في مجتمعنا السعودي

تأثير عوامل العمر والكلاس وغيرها في التأثير على اللهجات .

كل هذي المواضيع ممكن تختاروا منها الي يعجبكم وتكتبو عنه .

وتقدروا تشوفوا كمان في المرفقات راح تلاقو المواضيع الي هي تبغى تختاروا منها . ولو حبيتو تكتبو عن اي شي ثاني لازم تبعتو لها ايميل وتاخدوا موافقتها اول .
......

وقالت انو البحث عليه 30 درجة ولازم البحث يشتمل على الاشياء التالية :

اول خطوة : المقدمة

Introduction

تكتبو مقدمة عن البحث ولازم يحتوي ذيسيس ستاتمينت تتكلم عن ايش راح يكون البحث وايش اهميته وغرضه .

2- ثاني خطوة راح تكون طريقة البحث او

Mthodology يعني راح تحصلي على معلومات بحثك بأي طريقة؟ هل عن طريق الاستبيان او الملاحظة او المقابلات او المسح او غيره

..

3- طريقة تحليلك للمعلومات . يعني كيف حسبتي النتائج وكيف حللتيها ووفق اي معيار . يعني مثلا تقولي انو راح احسب النتائج وفقا لاجوبة الناس او ردات فعلهم او عدد الرجال مقارنة بالنساء وهكذا

...

4- النتيجة والنقاش : the result

ايش النتيجة الي طلعتي فيها من الاستبيان وهل هي تدعم فرضيتك او لا وتحاولي تشرحي

....

5- المصادر الي حصلتي منها على معلوماتك وحاولي تكون خمس مصادر على الاقل . سواء كتب او نت او غيره . ولكن انتبهوا لانو موقع ويكيبيديا مارح تعتبره الدكتورة من ضمن المصادر فحاولو ماتضمنوه في المصادر تبعكم

............



الحين نيجي للكتاب . قلنا معنا الثلاث تشابترات الاولى

وبدت اول شي في صفحة 11 وفيها معلومات عن تحربة لابوف تبع نيويوك وعن الاختلافات بين احاديث الناس طبقا للمواقف االاجتماعية المختلفة .

وفيه عندنا مصطلح جدا مهم الي هو variables

وكانت تجربة لابوف مثال على الاختلافات اللغوية بين البشر

.......

صفحة 17 formula of varibles

Dependent and independent >> طريقة الاقواس ومتى نحطها مهمممة

.........


وهذا الرابط راح تلاقو فيه اول محاضرة مسجلة لانو السنترا ماسجل المحاضرة :

http://www.mediafire.com/download/2s.../seminar+1.mp4