[بيناوي]

السلام عليكم ورحمة الله وبركاته ..



.. فتح موعد التقديم لمنحة السفارة اليمنية لجميع الجامعات من 1 يناير الى 30 يناير,عن طريق موقع الملحقية الثقافيه ..


اعتذر عن التأخير في كتابة الموضوع لأسباب طارئه .. وكتبته اليوم بعد ماعدى 11 يوم
مابقي الكثير ... ف لحقوا وسجلوا وخبروا كل اللي تعرفون ..


" نبدأ ب تفاصيل التقديم "


http://www.yemen-casa.net/news-article.php?id=12#

..

من القائمة الي فوق ( الخدمات الإلكترونية ) ثم نختار (الترشيح للجامعات السعودية ) ثم ( طلب ترشيح للجامعات السعودية )

تعبئة البيانات ثم ارسال وبعدها بيطلب ارفاق صورة من الجواز & شهادة الثنوي & الهوية & القدرات & التحصيلي .،.

لازم المستندات نمسحها بالاسكنر وتتحول لصيغة Pdf ..

. اسئلة شائعة عن التقديم .،.

س: ينفع اقدم عالمنحة وانا انتساب او تعليم عن بعد ؟
ج : ايوة ينفع ولو انقبلتي بالمنحة تنسحبي من الانتساب او التعليم عن بعد وتكملي اجرائات قبولك في الانتظام وتبدئي من جديد ،

س : كم الموزون المطلوب ؟
ج : مانقدر نحدد كم الموزون المطلوب ،، بس العام وقفوا عالموزون في عبدالعزيز على 92.63 *ـ*
في جامعات ثانية زي سعود وام القرى والطايف والدمام .. الخ .
كانت النسب اقل بكثير .

س : عبيت البيانات بس لسى مابرسل المستندات الحين ،، كيف ارسلها بعدين ؟
ج : الحل بسيط من نفس القائمة حق الخدمات الإلكترونية <الترشيح للجامعات السعودية < ارسال مرفقات الترشيح .

س : متى يجي القبول ؟؟
: تقريباً على مارس ممكن يعلنوا في الموقع وينزلوا كشف بأسماء المرشحين للمنحة وبيتصلوا عليكم وبيقولولكم لم تنتهي المعاملات بنكلمكم عشان تكملوا اجرائات قبولكم في الجامعات ،
الدراسة غالباً بتكون عالترم الثاني بإذن الله من السنة الجاية طبعاً .. كل سنة كانوا يدرسوا عالترم الثاني ماندري كيف بيكون نظامهم هالسنة .

س: هل فيه مكافئات ؟
من هالسنة تم الغاء المكافئات وكاتبينها في الموقع
" كما تنوه الملحقيه بأن نوع المنحه هي منحه داخليه كمقعد دراسي فقط. "

س : هل يشمل هذا التقديم للراغبين بمنح للدراسات العليا ؟؟
ج : لا هذا بكالريوس فقط .

....

* ارقام للتواصل*

ـــ رقم القنصلية في جدة
6898555 تحويلة 0 اطلبوا يحولوكم عالملحق الثقافي .

ـــ الملحقية الثقافية في الرياض
011-2814059
.،.

وتقريباً هذا كل مايخص التقديم لمنحة السفارة
وفالكم القبول في الي تتمنوا : )
..
واي سؤال او مشكله انا حاضرة : )... بالتوفيق للجميع