رد: قبول الطلاب والطالبات الغير سعوديين
اليوم رحت راجعت بعد ما شفت جنسيتي بين الجنسيات اللي ذكرتها بنت عز
بالمناسبة بنت عز عند أي أستاذة شفتي دي الجنسيات ؟
المهم ، أول وحدة رحت لها لقبها الغامدي .. ما قدرت أقرأ أسمها كانت في ورقة مخبيتو
فتحت ملف فيه كشوفات كثيرة مرة , و مالقيت اسمي للأسف ..
بعدين مادري كيف جا الكلام على طريقة التقديم .. قلت لها قدمت إلكتروني ، قالت لي طيب جيتي قدمتي أوراق
قلت لا .. قالت لي ما يصير ، لازم تسلمي الأوراق لـ مدري إيش البنين وهم يقدموه للوزارة وبعدين مدري إيش مدري إيش ..
صراحة ما أفتكر إيش كانت تقول لأني أول ما سمعت كلامها حسيتها قاعدة تسمعني قصة من قصص الموظفات اللي مو فاهمين شي :/
قالت لها أختي إيش نسوي دحين ؟ .. قالت خلاص تستنى للسنة الجاية .. (أعتقد قالت أستنى للسنة الجاية وأسجل تاني )
قلت لها طيب الكشوفات اللي عندك هي نفسها اللي عند بقية الأساتذة ، قالت ايوا ، إذا تبي روحي لأستاذة إيناس
أستاذة إيناس سألت عن الجنسية و الموزون .. وقالت لا أسماءكم لسى ما جت
بعدين مدري كمان إيش صار وحولتنا لأستاذة نوال .. عاد دي الله يهديها شكلها مضيعة بقوة
برضو أعطتني الرد على أساس الجنسية .. وقالت لي لسى ما جات أسماءكم ..
قلت لها أنا ماني مقدمة منحة سفارة ، مقدمة منحة داخلية .. برضو نفس الرد
قلت لها طيب عندك كشف أسماء .. قالت لا .. :)
طبعًا للأسف دورت ع الحامل اللي ذكرتوها بس ما لقيتها ..
إلا إذا كانت ديك الربروبة اللي متخبية ورى المكتب ، إذا ماني ملخبطة كان شعرها أشقر .. قولولي مو هي عشان ما أندم d:
|