[حيــــــاة]

المشاركة الأصلية كتبت بواسطة moody zain السلام عليكم اللي ماجاتهم رسايل قبول انا زيكم موزوني 91 وماجاني شي قدمت عن طريق الجامعة منحة داخلية وكل يوم اروح الجامعة اشوف اش صار محد داري في الجامعة ايش السبب حتا هما مستغربين من قرارات الوزارة و على اي اساس قبلو فلان وما قبلو فلان بس قللي استاد ابراهيم مدير الانتظام انو الموضوع مالو دخل بالموزون مدام قبلو ناس موزونهم اقل من كتير من اللي ما انقبلو وقللي ماعرف ايش معاييرهم اللي مشيو عليها وانو هوا كلم العميد وكلم مدير الجامعة وانو عندهم خبر بس قال انو اللي جاهم من اسماء ماجات نص الاسماء اللي اترشحت دي رشة بس يسلكو لنا ( قبل ماتجي دفعة بقشان قال دا الكلام ) مادري عن دحين بس اتوقع لسا برضو وقال احنا رشحنا 500-600 اسم وماجانا ولا نصهم حتا وقال عندي مقاعد فاضية في الجامعة لسا اتوقع الوزارة ترسل دفعات تانية مع انها ماقد سوت كدا اليوم كلمت استاد اديب قلتلو في اسامي كمان ولا لا قللي اكيد طبعاً ( على غير العادة دايماً يقللي ماعرف , الله اعلم , يمكن ) مادري يصرفني عشان ازعجت اهلهم ولا لا >< بس تفائلو بالخير تجدوه مع انو سبحان الله كان عارف انو حق بقشان اليوم من اول وكان يقلي حتجي إن شاءالله , يمكن تجي , مادري متا بالضبط بس دي المرة كان واثق كأنو متأكد يمكن اتكلمو مع الوزارة بعد مارسلت حق بقشان وقالولهم في باقي الاسبواع الجاي وقللي الاسبوع الجاي كللو اسامي إن شاءالله وكان يتكلم بثقة الصراحة ريحني شوية ف يامن هم على شاكلتي لا تيأسو وإن شاءالله الخير جاي صلو وادعو واستغفرو و إن شاءالله ربي يسعدنا واهالينا كلنا يارب بالقبول والتوفيق في الجامعة والهداية يارب وكل تأخيرة فيها خيرة إن شاءالله واكثرو من الصلاة على سيدنا محمد ففيها تفريج الهموم وتيسير الامور اللهم صل على سيدنا محمد وعلى آله وصحبه وسلم واللي يعرف احد في وزارة التعليم العالي يكلمو فقط يسأل يعني في اسماء باقية او لا وايش وضعهم في جامعة الملك عبدالعزيز خلاص رسلو كل الاسماء ولا لا يعني بس عشان نتأكد ونتطمن و صدقوني { إن الله لا يُضيع أجر المحسنين } ومببروك للي انقبلو ومبروك لحقون بقشان ولا تنسونا من دعائكم بعد ما انقبلتو ترا بعدين مح ندعيلكم في الاختبارات P= اممزح امززح بالتوفييق للجيمع يييآرب

وعليكم السلام ورحمة الله وبركاته

.،.
فعلاً الموضوع غريب عجيب هالسنة والدنيا سلطة وكله داخل في بعض ..
بس انت جيت بكلام جداً مطمئن الله يسعدك ..
وحتى قسم الطالبات عم بيقولوا انه باقي كشوفات جاية ..
لانه الحين بالفرز الاول لاهو على اساس موزون ،، ولا على اساس جنسية ،، ولا على اساس سنة تخرج .. اش باقي يفرزوا على اساسه الطول والوزن مثلاً !!
مافي اي شيئ ..
معناته باقي كشوفات جاية وبإذن الله ربي بيفرحكم بالقبول ،،
وكمان كلكم مرشحين وكلكم كنتو تلقوا اسمائكم لم تتصلوا عالوزارة يعني الوضع سليم بس بسبب عدم النطام هم قلقوكم ويحق لكم ><

اله يوفقكم وييسر لكم كل خير

دعواتي القلبيه معكم
موفقين : )

* * *
ابشر بخيرٍ عاجلٍ تنسى به ماقد مضى
فـ لرُب أمرٍ مُسخطٍ لك في عواقبه الرضا
و لربما اتسع المضيق وربما ضاق الفضا
الله يفعل مايشاء فلا تكن معترضا
الله عودك الجميل فقس على ماقد مضى
* * *