 السلام عليكمم
انا طالبه تعليم عن بعد خلصت ترم
ف الاجازه يمكن قبل اسبوعين جاتني رساله من الجامعه ( تم قبولك وعليك مراجعة شطر الطالبات مصطحبا اصول المستندات )
روحت للعماده وقالولي اش اسمك وطلع اسمي عندهم في الكشف قولتلهم انو انا عن بعد
قالولي لازم تسوي اخلاء طرف من عن بعد قولتلهم ليه ماسوي اخلاء طرف بعد مانقبل انتظام اضمنلي
قالتلي نحنا مو جالسين نلعب اسحبي من عن بعد وتدخلي انتظام قولت طيب
وسويت اخلاء طرف ويمكن من 9 الى 1 وانا مستنيه ناددت اسمي قالت انتي مو مقبوله قولتلها نععمممم كيف مو مقبوله قالت موزونتك في الثمانين (84,38 )
بعدين قالت حشوف استني وراحت عند استاده ناديه بعدين جاتني ناديه ده الكلام يوم الاثنين قبل الدوام قالتلي تعالي يوم الربوع انتي مقبلوه وتستلمي بطاقتك
روحت وجيت يوم الربوع واسسستنى واسستنى يقولو ماجانا خبر من عند البنين الين 2 وانا في الجامعه وخلاص روحت البيت
روحت يوم الاحد ولسسسسى نفسس المشكله ماسوولنا ولا اي حاجا قولتلها خلاصصص رجعيني عن بعد قالت اسستني لاترجعي
قولت حسستنى الين الربوع ان شاء الله ماسسسو شي حسسسوي اي شي عشان يرجعوني عن بعد
والله ججججامعة تقهر كل يومممم لهم كلام وكل شويا يقولو شي كممم من بنت جالسسسين يقهروها
حسبي الله ونعم الوكيللل يارب
|
وعليكم السلام ورحمة الله وبركاته
بالنسبه عن اسمك لو كنتي مقدمه عن طريق بقشان
ف كل اللي اقل من 90 قالولهم نفس الكلام بس لمن عرفو وصلت رسايل ع الجوالات
قالو في قائمه جديده حتوصل ولحد دحين ماوصلت
ولو كنتي مقدمه منحه داخليه ف هذا غلطهم انو نزلو اسمك وهما مايقبلو الا من 90 وفوق يا انو يقبلوكي او انو ترفعي شكوى وترجعي عن بعد بس انتظري
في بنات كمان قدمو ع بقشان واسمهم دخل في كشف المنح الداخليه من اللخبطه والظاهر انتي منهم
ع العموم احنا من مقدمين بقشان وننتظر القائمه الجديده ان شاء الله توصل ع هدا الاسبوع
وتعرفي الخير اليقين
وان شاء الله تتيسر وماتحتاجي ترجعي عن بعد