رد: قبول الطلاب والطالبات الغير سعوديين
جامعة الملك خالد
السلام عليكم حبيت يكون اول شي اسم الجامعه عشان يستفيد من بعدي لما يبحث عنها .
بكتب تجربتي مع السفاره ومنحتي منها لجامعه الملك خالد طبعاً انا قدمت السنه اللي فاتت بيناير وطلع اسمي ولله الحمد ودفعت الالف بشوال قالو انها وصلت المعاملات من ونراجع فيها بالجامعه وبدأ مشواري مع الاتصال للوزاره والجامعه ومراجعه الوالد لهم بالاول قالو ما في قبول لي بس خريجين هذي السنه انصدمت ورجعت اتصل ع السفاره والوزاره وجبت لهم اني تبع التبادل الثقافي قالو خلص نقبلك بس دبلوم لانك متخرجه اكثر من سنه تفاجأت ليش كذا ورجعت ع الاتصالات وكل مره يقولو للوالد راجع بعد اسبوع وعدا الترم الاول وما درست . طبعا خلص طاقتي استهلك وتعبت اخر شي اتصلت عليهم وكان وقتها منزلين دفعه بموقعهم اعطيته رقم الهويه وقال للأسف انتي مو مرشحه 😳😢😢😢قلت له انا تبع المنح من السفاره قالي أااا أوكي قولي للوالد يجيب أوراقك والحمدلله تم قبولي وفتح لي البكالريوس وأمس كان أول يوم لي . الحمد والشكر لله وحده . اللي بقوله ان كل من قدم بأي طريقه يصبر ويصبر لان يمكن بأخر لحظه وتكون يأست هي لحظة قبولكم الله ما يضيع تعب أحد وصبره ادعو ربنا دايم ما يخيب رجاء احد تعلق فيه . شكراً لك اللي ردو ع استفساراتي بجد كنا يد وحده وشلتا هم بعض الله يجعلها بميزان حسناتكم ويرضى عليكم ويسعدكم دنيا وأخرة . وعلى قول حياة طلعنا أول سلم لمستقبلنا 😊شكرا لكم جميعا وان شا الله ما أترك هالمكان وأكون معكم من فتره لثانيه لاني بيوم كنت احتاج احد يطمني أو يعلمني .
|