انا حتكلم عن الاساتذه الي جربتهم بنفسي
بس حقول شغله لاحظتها في الترمين الي فاتو في اساتذه البعض يذمهم بس كانو في نظري مررره كويسين والعكس عشان كدا لاتبالغوا في السوال عن الاساتذه لانه حتتعبوا من الاراء والتعليقات المختلفه ولاتنسوا انهم في الاختبار مايحطوا الاسئله لحالهم فممكن مايكونوا هما سبب صعوبة الاسئله او الماده نفسها صعبه فأيش ذنب الاستاذه
المهم لا امسخها
فكر فلسفي مع الميداني مررره ممتاز ويشرح بذمه
اجتماعي مع دلال موريا حبيتها جدا رائعه لاتفوت
علوم طبيعيه مع ساميه ممتازه
نمو مع عائشه الربعي ممتازه
مدخل الاحصاء مع سهير كويسه
الاحصاء مع ايمان الطباع جدا ممتازه الي يلاقيها لايسبها
مدخل التوجيه مع رضيه كانت عاديه والمذاكره من الكتاب بس اصلا الماده مره غلسه تخليكي تكرهي الي يدرسها
الفيسولوجي مع سناء سالم كانت جدا رائعه بس للاسف سافرت
نصوص نفسيه مع حنان الشعفل رائعه والماده حلوه وسهله
تربوي مع حمده الغامدي السنترا معاها كان حلو وممتع وكلامها واضح ,العيب كان في الاختبار الاسئله متكرره بس كاستاذه رائعه
صحه مع قطب استاذ رهيييييييب وفاهم شغله صح والماده كمان حلوه
المهني مع السيد مطحنه انا شفته كويس بس البنات كانوا يبغوا يحدد بس قال من الكتاب والماده نفسها كانت دسمه
فروق فرديه مع مرفت الشرقااااوي انا شفتها كويسه هي يصح كانت تقرا كثير من الكتاب بس الكلام ماكان يحتاج شرح والعيب في مؤلفها لانه الكلام عايم على بعضه ... ادري كثيير حيعارضوا على راي في الاستاذه
شباب وقيم مع امل فلمبان ماحبيت الاستاذه ولاالماده ومعنو الماده مش صعبه مررره بس كانت الاستاذه تتمسخر علينا بصرااحه مالي لاقيه تعبير صح ليها
اوووووووووووووووووه تعبت وبس
سوري طولت ترى هدا راي الشخصي وممكن وحده تانيه تقول عكس كلامي
وسلامتكم