[اقتصادي لغوي]

معاكي حق في مسألة التكميلية بشكل عام

انا غلطت اني أضفتها

لكن تخيلي انو أنا خريج اقتصاد وقدمت على ماجستير اقتصاد في جامعة الملك سعود وقالولي لازم سنة مواد تكميلية

مو عشان شيء الا لأني جاي من جامعة تانية :)

كمان نسينا نضيف مسألة اللي جاي من جامعة تانية ههههه

ونفس قسمي في جامعة الملك عبد العزيز قالولي لو شهادة البكالريوس تبعتك صارلها أكتر من 10 سنوات بتنزلك مواد تكميلية

التكميلية عندنا في القسم 8 مواد .. يعني ماهي مادتين ولا ثلاثة

بس الحمد لله ما صار لها عشرة سنين .. لحقنا نفسنا .. لأنو أنا خريج العام الدراسي 1426 - 1427 والدرجة منحت لعام 1426 ( الموافق عام 2005 - 2006 والدرجة منحت لعام 2006 ) .. أنا حاس انو فيه لخبطه عندهم في هادي النقطة .. اللي هيا عام منح الدرجة !

قصدي انو في حالات معينة تدخل المواد التكميلية في الحسبة

لأنو فيه طالب بس يشوف انهم بيضيفولو مواد تكميلية وهوا متخرج في نفس التخصص بيتضايق وتحصل عنده لخبطه انو ليش كدا وممكن يطفش من الشغلة كلها .. وممكن يدورلو تخصص تاني الخ

انتي تشوفي الطلاب اللي بيتكلمو انو طلبو منهم مفردات المواد ...

حسب فهمي انو بيطلبوها منهم عشانهم جايين من جامعات تانية مع انهم بيقدمو على نفس تخصصاتهم الأساسية !

يعني مو كفاية انهم بيتغربو .. لأ .. كمان ممكن يضيفولهم مواد تكميلية .. والحكم في هادي المسألة هوا المفردات

أنا تبع الرياض اللي كلمتو شخصيا قالي راح تاخد سنة تكميلي ولا قالي جيب مفردات ولا غيرو

يعني لسه جامعة جدة أرحم من الرياض في نظري بالنسبة لقسم الاقتصاد

عشان ما نعمم ويزعلو مننا محبين جامعة الملك سعود :)

ربنا يحققلنا اللي نتمناه