اهلين اخت جوليا انا طالبة ماجستير احياء بحرية طبعا انا والبنات الي معايا اول دفعة طالبات في علوم البحار اخدنا مواد تكميلة تقريبا 3 مواد في اول ترم مادتين بالانجليزي وماده بالعربي ، الشيء السيء في القسم ان مافي قاعات مجهزة لنا ولما اخدنا مواد تكميلية كنا بناخدها عن طريق الشبكة التلفزيونية وبعض القاعات كانت جدا سيئة ماكنا نسمع الدكتور ايش بيقول وكان تركيزه ع الاولاد فقط واحنا مهمشين والدكاترة ماقصرو معانا غيرولنا القاعات وسرنا ناخد في قاعات مركز الملك فهد بس ع نهاية الترم،، والترم دا بدانا دراسة في الاسبوع الثالث لان مافي قاعات لنا والمعامل طبعا لسى ما اتجهزت الى الان ،، بالنسبة لتخصصك لا ادري ازا ينفع تدخلي احياء بحرية او لا
اذا عندك اي استفسار ثاني اهلا وسهلا فيك
|
طيب تقدري تفيدينا لو تكرمتي من اي مناهج كنتي تذاكري لاختبار المفاضلة؟
وهل المحاضرات بتكون في السليمانية ولا في شي في أبحر؟
ومعليش سؤال تاني: عندك خلفية ايش المستقبل الوظيفي لدا القسم بالنسبة للبنات؟