[سمو العلم]

المشاركة الأصلية كتبت بواسطة salwa de بنات ياحلوين مين تعرف اقرب بوابه لمبنى كلية العلوم وكمان هل جوالات الكاميرا مممنوعه ؟؟؟

أولا / الجوات غير ممنوعة

ثانيا/ أقرب بوابة هي غربية 1

كيف توصلي لها؟

أولا/ فيه بوابة رئيسية كبيرة - بوابه 7 - ادخلي منها و بعدها تقابلك أول بوابة هي غربية 1 (طبعا بالسيارة)

ثانيا/ لو دخلت من هذه البوابة .. تلاقي صالة كبيرة و فيها باب عنده ضابطات الأمن (زي كل الجامعات) طلعي إثبات الاختبار للأمن عشان يسمحوا لك تدخلي

ثالثا/ بعد هذه البوابة أمشي على طووول (لا تروحي يمين و لا يسار) يجيكي زي المظلات أمشي تحتها على طووووول و بعدها يجيك فراغ تلاقي قدامك - جهة اليمين- كفتريا رابيس و على يسارك مبنى كبير - المكتبة المركزية - خليك على نفس الإتجاه و أمشي على طول في نفس اتجاهك

بعد هذه المسافة راح تلاقي على يمينك درج صغير عديه و بعده يمين برضو تلاقي درج و ممر العربيات

أطلعي الدرج تلاقي المبنى - مكتوب كلية العلوم 7



معلومة ذا كان الاختبار في قاعة لها رقم و بعدين مكتوب حرف b مثلا فهذه يعني أنها في الدور الأول - المبنى القديم

لأن قاعات الكلية بالرموز فحرف a يعني الدور الأرضي و b الدور الاول و c الدور الثاني

نصائح :

1/ توكلوا على الله أولا و أخيرا و سلموا أموركنّ له .. صلي استخارة و سيختار الله لك الخير في القبول أو عدمه .. فلا تقلقي من مابعد الاختبار
2/ و لا تنسوا الاثبات إما بطاقة الهوية أو جواز السفر
3/ إذا كنت من خارج جدة أو أول مرة تجي الجامعة أنصحك تجي قبل موعد الاختبار بفترة كافية عشان توصلي للقاعة و تراجعي معلوماتك بهدوء

تقبلوا الإهداء في المرفقات ..

وفقكنّ الله ...