[شهيل ومناع]

[b][size="5"][color="navy"]

المشاركة الأصلية كتبت بواسطة سلطان مبارك ارحب ياصديقي اولا الله يوفقنا وياكم لما يحبه ويرضاه تفصيلاً اللي حصل معنا بالدوره التأهيليه لمواد الترم هذا بسم الله نبدأ 1_ اساسيات الاداره الماليه (قال الدكتور حسام باكوبن - ركزوا على الفصل الأول والثاني والثالث نزل بموقعه عشر مسائل وحلها لنا بالدوره التأهيليه وبالسنترا بعد والباقي نظري ) 2_ قانون الأعمال (قال الدكتور محمد هميس المقاطي - السلايدات ارموها بالزباله (اكرمكم الله) قلنا ليش ؟ قال هذي السلايدات انا ماسويتها ولا اعترف فيها وكان سيئ الأخلاق امانةً بغيت احذف الماده ولاكن الشكوى لله بنحاول نجتهد والتوفيق بيد الله وقال الكتاب هو المرجع فقط واشترينا الكتاب على كلامه انه بيأشر لنا فيه ولاكن الزبده قال افتحوا موقعي وتلقون المفردات وفيها المحذوف والمطلوب وركزوا عليها فقط (حسبي الله ونعم الوكيل) ملاحظه مهمه :- والله ودنا ان الدكاتره كلهم سعوديين عيال البلد ولاكن بعد هالأخ اقول يازينهم السعوديين بالدوائر الحكوميه فقط وبلاش الوظائف الأكاديميه عشان لايتعبون حبايبنا ^_^ هههههههههههههههههههه ماعلينا نكمل 3_ أدارة الخدمات الصحيه hhsm302 ( الدكتور كان جدا ممتاز والماده بصراحه سهله وقال السلايدات فقط ) 4_ مقدمة في الرعاية الصحيه hhsm301 ( الدكتور حامد قال السلايدات فقط وقال انا يهمني تاخذ فكره عن المنهج فقط واسئلتي مافيها تعمق اسئله سطحيه ويهمني تاخذ فكره عامه وجيده عن السلايدات فقط) 5_ إدارة الموارد البشريه الصحيه hhsm303 ( الدكتور حامد نفس كلامه في 301 ولاكن الماده فيها شوي دش كلام يبيلها تركيز اكثر وقال السلايدات فقط ) 6_ مادة مبادئ التسويق ( الدكتور جانا مره وحده اسمه هتان ساعاتي ربع ساعه ومشي وشكله كان صاحي من النوم ماسمعنا ولاكلمه منه الا انه قال بجيكم الاسبوع الجاي وعليها وشفنا هالوجه ولاشفناه هذي مثل (شهيل ومناع ) ههههههههههههههههههههههههههههههههههههههه ورينا يوفقنا جميعا

هلا وغلا بالغالي عوداً حميداً

جزاك الله خير وما قصرت بيض الله وجهك وكثر من امثالك ,,

قانون الاعمال

اخذتها الترم اللي فات وتخيل المقاطي ماكان مسجل بالسنترا ولا شي حتى اني راسلته وقلت له السلايدات الموجوده بموقعك ناقصه باب كامل
قال المطلوب الكتاب وهو للأمانه غير متعاون أبداً الله يهديه , لكن جمعت من المنتدى بعض الملخصات وذاكرت منها ومن السلايدات ومن اسئلة الاعوام السابقه
وكان الاختبار اسئلة مباشره (وأنصح بمعرفة كل شركة وصفتها وراح يجيب لك بأكثر من سؤال : شركة لا تتمتع بالشخصية المعنوية .. اللي هي شركة المحاصة)
وكذلك الشركاء وتفاصيلهم .. ومتى تنتهي الشركة .. وهل تنتهي بموت احد الشركاء , طبعاً كل شركة لها قانون تقريباً ولكن تحتاج شوي مذاكره وان شاء الله الماده ماهي صعبه .
واذا تذاكر من الكتاب اتوقع يكون افضل لأنه أشمل أقل شي تكون مارّه عليك المعلومه .


ادارة الخدمات الصحية


أخذتها الترم اللي فات عند د.عدنان خصاونه
وكان مجنهد بالشرح في السنترا جزاه الله خير وأختصر المنهج على السلايدات وكانت أسألته مباشره لكن تحتاج مذاكره ومتابعة السنترا لأنك إذا تابعت السنترا عرفت اسلوب الدكتور في الأسئلة
حتى انه يقول هذي مهمه هذي راح تجيكم وفعلاً صدق , الله يوفقه .


مقدمة في الرعاية الصحية


اخذتها عند د.حسن القضاه جزاه الله خير وهو جداً متعاون .

هذي أسهل مادة مرت علينا بالجامعه واختصرها بالسلايدات حوالي 20 صفحه ويقول اقرأ المنهج ما قال ذاكر وفعلاً كانت المادة سهله جداً لكن الدكتور تفلسف في بعض الاسئلة بسبب ركاكة الصياغه
اللغويه فصار يصعب عليك فهم وش يبي بالضبط - هذا في بعض الاسئلة فقط - لكن الماده سهله جداً

مبادئ التسويق


اخذها زميلي الترم اللي فات .. يقول المقرر جداً سهل وبسيط وذاكر من ملخص من المكتبه والظاهر ساحبينه من موقع الدكتور وجاب 88 مع انه غير مجتهد .


هذا كل اللي عندي اتمنى افدت ولو بالقليل