[سلطان مبارك]

المشاركة الأصلية كتبت بواسطة شهيل ومناع [b][size="5"][color="navy"] هلا وغلا بالغالي عوداً حميداً جزاك الله خير وما قصرت بيض الله وجهك وكثر من امثالك ,, قانون الاعمال اخذتها الترم اللي فات وتخيل المقاطي ماكان مسجل بالسنترا ولا شي حتى اني راسلته وقلت له السلايدات الموجوده بموقعك ناقصه باب كامل قال المطلوب الكتاب وهو للأمانه غير متعاون أبداً الله يهديه , لكن جمعت من المنتدى بعض الملخصات وذاكرت منها ومن السلايدات ومن اسئلة الاعوام السابقه وكان الاختبار اسئلة مباشره (وأنصح بمعرفة كل شركة وصفتها وراح يجيب لك بأكثر من سؤال : شركة لا تتمتع بالشخصية المعنوية .. اللي هي شركة المحاصة) وكذلك الشركاء وتفاصيلهم .. ومتى تنتهي الشركة .. وهل تنتهي بموت احد الشركاء , طبعاً كل شركة لها قانون تقريباً ولكن تحتاج شوي مذاكره وان شاء الله الماده ماهي صعبه . واذا تذاكر من الكتاب اتوقع يكون افضل لأنه أشمل أقل شي تكون مارّه عليك المعلومه . ادارة الخدمات الصحية أخذتها الترم اللي فات عند د.عدنان خصاونه وكان مجنهد بالشرح في السنترا جزاه الله خير وأختصر المنهج على السلايدات وكانت أسألته مباشره لكن تحتاج مذاكره ومتابعة السنترا لأنك إذا تابعت السنترا عرفت اسلوب الدكتور في الأسئلة حتى انه يقول هذي مهمه هذي راح تجيكم وفعلاً صدق , الله يوفقه . مقدمة في الرعاية الصحية اخذتها عند د.حسن القضاه جزاه الله خير وهو جداً متعاون . هذي أسهل مادة مرت علينا بالجامعه واختصرها بالسلايدات حوالي 20 صفحه ويقول اقرأ المنهج ما قال ذاكر وفعلاً كانت المادة سهله جداً لكن الدكتور تفلسف في بعض الاسئلة بسبب ركاكة الصياغه اللغويه فصار يصعب عليك فهم وش يبي بالضبط - هذا في بعض الاسئلة فقط - لكن الماده سهله جداً مبادئ التسويق اخذها زميلي الترم اللي فات .. يقول المقرر جداً سهل وبسيط وذاكر من ملخص من المكتبه والظاهر ساحبينه من موقع الدكتور وجاب 88 مع انه غير مجتهد . هذا كل اللي عندي اتمنى افدت ولو بالقليل

المهلي مايولي يالامير ووجهك ابيض الله لايهينك ويكثر من امثالك

ابشرك الليوم خلصت الاختبارات ولله الحمد والمنه وأسال الله ان يوفقنا وياكم للنجاح في الدارين

الملخص بالنسبه للمواد والأسئله فقط كالتالي بالنسبه للمواد الترم هذا

1_ قانون الاعمال
المفاجأه كانت أن الأسئله سهله ومباشره والحمدالله . عند الدكتور/ محمد هميس المقاطي . الله يجزاه الجنه


2_ ادارة الخدمات الصحية
المفاجأه كانت أن الأسئله سهله ومباشره والحمدالله . عند الدكتور/ زياد عيسى زايد . الله يجزاه الجنه


3_ مقدمة في الرعاية الصحية
الأسئله كانت معقده جدا مع ان الماده سهله جدا لاكن الله يهديه . الدكتور / غازي الحامد


4_ مبادئ التسويق
اما هذي الماده كانت معقده جدا جدا جدا مع العلم انها سهله جدا اسئلتها معقده ومن بين السطور ولاكن الله يهديه . الدكتور / هتان ساعاتي


5_ موارد بشريه صحيه
أما بالنسبه لمادة الموارد البشريه الصحيه فكانت اسئلتها تختلف اختلاف كلي عن مادة الرعاية الصحيه مع العلم انه نفس الدكتور الا انها كانت سهله ومباشره جدا الله يجزاه الجنه . الدكتور/ غازي الحامد


6_ أساسيات الإداره الماليه
أما بالنسبه لمادة أساسيات الإداره الماليه كان حضوره وشرحه وأسئلته مباشره وسهله من أجمل الدكاتره خلقا وعلماً الله يجزاه الجنه . الدكتور / حسام باكوبن

وسلامتكم وإن شاء الله النتائج تكون اجمل بأمر الله لنا جميعا