[الـفـيـصل]

السلام عليكم و رحمة الله و بركاته ..

بصراحة .. انا من طلاب الإنتساب من خارج جده .. من الترم الرابع و أنا أحاول أضيف المادة هذه ما نفع معي .

و راسلتهم بكل الطرق اللي سمحوا فيها .. أول شيء عن طريق الاتصال بالرقم المجاني .. و شرحت لهم و ( لا حل !! )


ثم عن طريق الإتصال على الشؤون التعليمية بالكلية ... و ( لا حل !! ) و اخبروني في وقتها إنه لا يوجد للمادة أي متطلب .. طيب ليه ما تضيفونها لي ... قال لي يا أخي إنتهت فترة الحذف و الإضافة .. و اي عملية حذف و إضافة عن طريق ( الأوديوس !! ) .. طيب الأوديوس وقتها ما يطلع لي شيء !!

الترم اللي راح اختبرت في جده .. لعدة أسباب من أهمها حضوري بنفسي و حل بعض مشكلات التسجيل .. و رحت للشؤون التعليمية بالكلية الموظفين اللي هناك .. واحد منهم ( الله يسامحه بس ) شرحت له المشكلة ... قال لي بالحرف الواحد :

لا جاء الترم القادم .. راح تفتح المادة ! و سجلها من الاوديوس ... و هاهو الترم القادم ( جاء ) و لا فتحت المادة .. و فجأة ألقى قدامي طريقة جديدة حلوة نوعاً ما .. اللي هو تسجيل المواد عن طريق الخطة ..

لمن تجي على المادة تلقى إنه لها متطلب سابق اللي هو مبادئ إدارة !!



وين الكلام هذا ما حصل من أول و لا علمتونا و انكم قلتوا إن مالها متطلب ... إلخ و بإمكانك إضافتها الترم الجاي !!

آمنا بالله ... لنفترض إنه لها متطلب ... لا هي و لا المتطلب مفتوحة او مسموح التسجيل فيها ... !! :(

للأسف راح أضطر إني أسافر جده و يا صعوته :( الاسبوع القادم أطالب فيها .. أو أحد من النشامى و أهل الخير من الإداريين أو من هم في المنتدى يفزع لنا فيها قبل السفر


المشكلة بالنسبة لي إذا ما انحلت .. راح أتخرج الفصل الدراسي الثاني من السنة القادمة بسبب مادة واحدة !

و بكذا تروح علي فرصة الترقية الوظيفية في عملي للسنة اللي بعدها ...

شوفوا لنا حل تكفوووون