رد: تحويل من انتساب الى انتظام
التحويل بالنسبة لغير السعودين لازم يكون المعدل ( 4.75 )
التقديم يكون في عمادة القبول والتسجيل فرع الرجال يدويا ( اخويا راح لفرع الرجال وقدملي الطلب )
مطلوب صورة من اقامة الطالب وصورة من اقامة ولي الامر وصورة من البطاقة الجامعة وكشف الدرجات وصورة من شهادة الثانوية
اما فرع النساء حيكون بعد تاني اسبوع من رمضان ( انا رحت لعمادة القبول والتسجيل فرع الطالبات والمسؤلة قالتلي بعد اسبوعين التقديم لغير السعوديات )
حيرسلو الطلبات على الرياض وفي شوال او بعدة حتطلع النتائج
بالنسبة للتخصصات ماحد راضي يرد عليا ايش التخصصات المتاحة الكل يقول حيطلع على الاودس انتظرو
بس بالنسبة لادب الانجليزي اتقفل نهائيا للانتساب
لو احد حابب يتخصص ادب انجليزي لازم يحول تعليم عن بعد
والي حابب يتخصص ادب انجليزي ويجول انتظام يروح يسجل اسمه بورقة الاختبار للانتظام لو جاه القبول بلانتظام حيتخصص ادب انجليزي لو ماجاه القبول لا سمح الله يا اما يحول تعليم عن بعد ويتخصص ادب انجليزي او يتخصص ايا تخصص انتساب
بالنسبة للي حينقبلو انتظام من بداية السنة حيبداء الدوام انتظام ( كان في معلومة خاطئة على النت انو الترم الاول حيكون انتساب والترم التاني حيصير انتظام )
ولو بعد ماتحول انتظام وحاب يغير التخصص يقدر يغيره نفس المسار الادبي
بالنسية للمكافأة فقط للسعودين
|