[رفّات حُلم]

المشاركة الأصلية كتبت بواسطة دانه الكويسه موضوعكك فادني جدا و ريحني اكثر بس عندي شوية اسئلة كذا - التحضيري بالسليمانيه مبنى و لا اكثر من مبنى و متعبه ؟ - انا اخترت شرفيه بس معدلي يدخلني في السليمانيه اقدر اغير ؟ - فيه تحضير لكل المواد و لا متساهلين ؟ و كمان حسألك شوية اشياء عن اختبار الانجليزي - اش نوعية الاسئلة كلها اختياري و لا في فراغات و كذا لاني شايله هم الاسبيلنق ؟ - كم سؤال حيكون تقريبا ؟ - كم مدة الاختبار ؟ و صحيح انو ليفل فور اجباري ؟ و بس شكرا لك الله يسعدك

- في السّليمانية أكثر من مبنى " مبنى العلوم وأظن كمان 32 ( فيه محاضرات الرياضيات، والفيزياء، والكيمياء والأحياء والاحصاء )
الحاسب في كثير مباني .. فيه ناس في 3، في ناس في العلوم، في ناس في كليات الحاسبات وغيرها
الاتصال كمان فيه ناس في 10 وناس 5 وغيرها.
والانجلش اما مبنى 13 أو 12 أو 63 بس أتوقع!
مبنى 13 و 7 و32 مرة قريبين من بعض.. أول مبنى 13 وبعده ع طول المكتبة وبعده 7 " 7 هو العلوم "
عمومًا.. هيّ مباني مُختلفة، وأول يوم لو تجي تعرفي أماكن كلاساتك وبعدها خلاص حتتعودي.
+ أول يوم أسألي اي أحد يدلُّوكِ () .
- بالنسبة تنقلي والله ما أعرف نظامكم مو نفس نظامنا حق السنة الماضية.
الأفضل تسألي أ. حسام الجهني في تويتر .. وهذا حسابه : @Hussam_KAU
- التّحضير يختلف من دكتورة لدكتورة، يعني فيه دكاترة ما يهتمُّوا بالتحضير الا لما يكون مرة فيه غياب ( د/ الكيميا كدا )
وفيه دكاترة دايمًا يحضّروا ( د/ الاحصاء، والانجلش بكل المستويات .. خاصة لما يكون عندك محاضرة ساعة وبعدين بريك صلاة وترجعوا لأنه كتير ما يرجعوا )
وفيه دكاترة عامليين ليدر وهي المسؤولة عن هذه الاشياء وكدا ( د/ الاحياء والاتصال )
وفيه دكاترة بس في البداية يحضّروا وبعدين لا .. عمومًا الأفضل تحضري حتى لو ما تفهمي كويس!
تأخذي فكرة عن الدرس وممكن بعدين تستعيني بأستاذة خصوصية.
والتحضير ما ينزّل درجات بس لو تعدّيتي الغياب المسموح تأخذي حرمان من دخول الاختبار النهائي .. وكل مادة يختلف عدد الغيابات المسموحة فيها فأسألي الدكتورة بالنسبة للانجلش،
المواد اللي تكون يومين في الأسبوع لها معدل غياب مختلف عن المواد اللي 3 مرات في الأسبوع ويختلفوا عن الانجلش اللي كل يوم!
- اختبار الانجلش قبل ما تدخُلوا حيجمعوكم في قاعة ويشرحولكم كيف الاختبار!
عمومًا لو كان زي حقنا؛ كان فيه اختياري وكان فيه قطعة انتِ تكتبي الكلمة اللي تحسيها المفروض تكون في الفراغ وإذا غلط بالاسبلنق ما يتحسب لأنه التصحيح الكتروني أظن!
- السؤال كانوا يقولولنا أعتقد 45 سؤال ما يزيد، وهو يوقف أسئلة لما يقدر يحدد أي مستوى انتِ!
- الوقت ما أفتكر صراحة >< . بس حيقولولكم هما في القاعة.
- ليفل 4 ايوا اجباري، يعني متلًا انتِ اختبرتي وحطُّوكِ في ليفل 3 .. حتدرسي 3 و 4 أو حطّوكِ في ليفل 2 حتدرسي 2 و 3 و4
أما اذا حطوكِ في 4 حتدرسي 4
أو تقدري تلغيه بالتوفل : 400 وفوق ، آيلتس 4.5 وفوق.
متلُا درستي ليفل 2 وبعدين طفشتي واختبرتي آيلتس وجبتي درجة خلاص حيعتبر هذا الليفل وحيتلغي لكِ ليفل 3 و 4 وكدا!
اي ليفل تنحسب درجته لو اختبرتي النهائي حتى لو قدمتي التوفل او الآيلتس بعد الاختبار النهائي .. لازم قبل حتى وانتِ تدرسي قدمي لهم وخلاص يتلغي لكِ الليفل نفسه واللي بعده.

بالتوفيق ()