زي ما قلت أول الحكومة مو قد كدا على المساهمة في اصلاح البيئة
بس كتير من الشعب متعصب من دي اناحية..
نشوفهم لدرجة انو البعض ما ياكلو اللحوم.. ولا تنسي انو عندهم سلات قمامة (الله يكرمكم) خاصة للزجاج والحديد والورق لاعادة تصنيعو!
ومن ضمن الأشياء اللي يقولوها البعض" لنجعل كل يوم يوم الأرض"
صح ماننكر انهم يلوثوا البيئة بس عالأقل بيحاول البعض يزبطها
مو زينا!! نرخب وما نبا نعدل شي!!
صح استحالة احنا نعدل الدنيا في يوم وليلة.. بس لو قدرنا نحمي لو انسان أو حيوان ونبات واحد حنكون سويا شي.. ممكن مايعنيلك شي لكن حيعني للمتضررين..
الليوم احنا محنا حاسين بالضرر.. بس حيجينا يوم
الأمر مو هين عشان الواحد يستهزأ بيلو..
محد قال لا نتنفسوا ولا لانستخدمو دي الأشياء
بس نهتم شوية.. نستحي ولا نرمي شي في البحر... ننظف الشوارع والشواطئ..
بدل ما نستخدم 400 كيس لاربعمية شي نخليهم يتزاحموا شوية في كم كيس..
بدل ما نرمي زبايلنا جمب الزبالة نحطها جوتها..
بدل ما نشغل السيارة عشان نروح المسجد ولا البقالة اللي في اللفة نهز وسطنا شوية ونروح مشي..
بدل ما نكتب في نص دفتر ونرميه نخليه ونكتب في الأوراق اللي بقية فيه..
بدل ما نستدم مناديل لكل شي ينكب نمسح بمنشفة..
بدل ما نمسح اخشامنا ب4 5 مناديل نستخدم واحد..
بدل ما نخرج ونسيب لمبات البيت كلها مولعة نطفي عالأقل لمبات الغرف..
بدل ما نخلي مكيفات البيت كلها شغالة واحنا قاعدين في غرفة وحدة نطفيها..
بدل ما نخلي الموية مفتوحة واحنا تسوك اسنانا نقفلها..
بدل ما كل مرة نتروش نعبي البانيو الين فمو مرة ولا مرتين خلينا نتروش بدش سريع..
بدل ما كل مرة نروح نقضي ونرمي الأكياس خلينا نستعملها تاني وتالت..
بدل ما نركب السيارة ونلفلف شوارع جده بس كدا طفش ننزل نلفلف على رجولنا..
بدل ما نرمي الكتب أو الملابس نتصدقبها وننفع الناس..
بدل ما نرمي الزبالة (ورقة اللبانة ولا كيس الشبس ولا قالورة العصير) في الأرض نخليها لمن نلاقي زبالة او نروح البيت..
بدل..
بدل..
بدل..
الأشياء اللي ممكن نسويها للبيئة لا تعد ولا تحصى