رد: محتار بين عبدالعزيز والبعثة
وعليكم السلام ورحمة الله وبركاته،،
ما اعرف، ما اقدر افيدك صراحة في موضوع تغيير التخصص خلال الابتعاث
\\
المعدل بدايته من السنة التحضيرية، واغلب المواد درجاتها بيدك انت
زي الماث والفيزياء والمواد هذي، يكون توزيع درجاتها على الأختبارات: 30 - 30 - 40 --> مجموع 100 درجة
يعني بتوفيق الله اولا ثم بإجتهاد منك، تجيب اعلى درجات بدون ما تحتاج احد، لكن فيه شي اسمه كيرف "Curve"
وهي لو كان متوسط درجات الطلاب منخفض، وفيه نسبة رسوب عالية، يسوو كيرف أب درجات، وتنرفع درجاتك
فـ الفكرة اللي ابغى اوصلها لك، انو بتوفيق ربك، ثم بإجتهادك، ما رح يفرق معاك الدكتور شديد ولا متساهل
لكن مواد التحضيري سهلة، وسهلة جدًا جدًا مقارنة بمواد الهندسة، وتقدر بإذن الله تجيب معدل عالي.. السنة التحضيرية هي اساس معدلك
يعني مثلا جبت معدل 4.5/5 فيها، يصير السنوات اللي بعدها تبني على هذا المعدل، وحـ تجيك مواد سهلة خلال دراستك ترفع لك معدلك زيادة، وفيه مواد صعبة ممكن لا قدر الله تنزله
لكن عادة بعض الطلاب المجتهدين، يكون معدلهم وقت التخرج حول المعدل اللي جابوه من اول سنة، الا لو الطالب ضيع مرة بعدها.. فـ اهم سنة هي السنة التحضيرية
لا تسمع كلام الناس، الموضوع ابسط مما تتخيل، وخلال مسيرتك الجامعية حـ تقابل دكتور شديد ودكتور مستاهل، وحتشوف ان بعض الناس تحب تبالغ لا اكثر
\\
عندنا يوم هندسي زي البترول، تجي شركات كثير، تسوي معاك مقابلات شخصية، منهم: سابك - ارامكو - شركة الكهرباء - سبكيم - بترو رابغ - ... إلخ
وغير كذا، خلال السنة، تجي شركات (زي ارامكو الترم الأول اللي فات) وتقابل الطلاب قريبي التخرج، ونفس الشي سوته كاوست وسابك...
لا تضيع نفسك بكلام الناس، مافي شي صعب زي ما تتصور، استخير ربك اولًا واخيرًا، ثم قرر
هذي اصعب واهم خطوة بالنسبة لك،،
ربي يوفقك ويسهل لك امرك
|