[خالد بن فهد]

بالنسبة لي جيتهم في 11 رمضان.. على اساس بوصلهم بدري الساعه 9.. وراحت نومة ماوصلت الجامعة الا 10 ونص تقريبا" وكنت متوقع اني متأخر
طلعت خيرة لي اني جيت في هالوقت.. اغلب المكاتب مقفلة.. انتظرت تقريبا" ربع ساعه جا الموظف واخذ البطاقة الجامعية واعطاني الوثيقة وسجل الدرجات,,

وهو يعطيك اياها يقول خذ هذي معاك.. طبعا" طلع يقصد الدوسيه الاخضر المخمل اللي تنحط فيها الشهادة..!!

الوضع حوسه وغير مرتب يمكن لانه رمضان..

طلعت ادور مكان اصور فيه.. اضطريت اني ادخل احد المكاتب واتبسم للموظفين واقولهم اني جاي من الرياض وابي 10 صور..

قام واحد وهو يصور يقولي ترى 10 صور كثيرة !! الله يجزاه خير انه ماهون ولا قال مافيه

طبعا" حاطين ورقة عند الاستقبال كاتبين فيها التصديق ل5 صور.. لكن اذا قلت لهم انك جاي من الرياض يمشونك

ابي منك خدمة ..!! طبعا" فيه واحد اجتهد وحط موضوع بالمتطلبات قبل تروح الجامعه ومن ضمنها انك تاخذ افاده بانك مااستفدت من اي مبالغ مالية..

سألت عنها طلعت في عمادة خدمة المجتمع.. يطبعون لك برنت بالرسوم اللي سددتها من بداية الانتساب..

اللي حصل معاي ان الموظف قالي السيستم عطلان .. فطلب ايميلي ع اساس يرسلها..

والى يومك ماوصلني شي.. فكانك بتروح او اي واحد يقرا الموضوع وناوي يروح يجيب لي رقمهم او اعطيه ايميلي وبياناتي وهو رايح يطلب البرنت يعطيهم بياناتي يرسلونها لي من جديد..