10-08-2014, 09:47 AM
|
#4
|
تاريخ التسجيل: Jul 2010
كلية: كلية الطب
التخصص: طب وجراحه
نوع الدراسة: إنتظام
المستوى: التاسع
البلد: ينــبـع
الجنس: أنثى
المشاركات: 680
|
رد: بداية السنوات الإكلينكيه ( أهلاً بالسنه الرابعه )
Clinical skills module
ما أعرف إذا كلكم حضرتوا البريكلينكال كورس اللي يعملوها الطلبه كل سنه أو لا
على كل حال : اللي حضرها مستفيد
واللي ما حضرها لظروفه : ماتعتبر مشكله كبيره بحاول أساعدك ف هذا الموضوع وإن شاء الله تستفيد منه
بالإضافه إلى إنه مهارات الكلينكال تعتبر مكتسبه على قد ماتتدرب وتقرأ وتتعب على نفسك على قد ما حتطلع ( بنتيجه مبهره )
هذا المديول الكبير عليه 20 ساعه
مكون من مادتين
- Medicine
باطنه 1
- Surgery
جراحه 1
Medicine
الجزء النظري :
عباره عن 16 محاضره تقريباً
منها :
Diabetes mellitus
Liver disorders
Hypertension
Inflammatory arthropathies
Headache
Peptic ulcer disease
Glomerulonephritis and nephrotic syndrome
الجزء النظري هو اللي حتجيكم منه أسئلة الإختبار النظري
مراجع الجزء النظري :
- المحاضرات
- ديفيدسون
أو
- كومار

الكتابين هذي للفهم وللتعمق وللمذاكره كمان إذا حابين
إختاروا منهم واحد بس اللي يناسبكم واللي تحبوا طريقة عرضه وتندمجوا معاه يعني ههه
حتلاقوا محاضرات نفسكم تبحروا فيها وتفهموها هنا ع طول ع ديفيدسون أو كومار وحتلاقوا أِشياء ماحتفهموها إلا من الكتابين هذي
يعني تحتاجوهم وتحتاجوا جداً تتعودوا على القراءه من الكتب خاصه ف سنه رابع ومابعدها
- دانيش
يلم لكم المعلومات ويرتبها ينفع قبل الإختبار وحتى أثناء الدراسه
على قد ما الدكاتره يكرهوه لإنه مختصر شويه بس صراحه مرتب ويساعد ف تثبيت المعلومه

جزء الكلينكال :
حتدرسوا أهم أجهزة الجسم بما فيها الكارديو والسي إن إس و والريسبيراتوري و القاستروا يعتبروا الأربع الرئيسين
أضيفوا عليهم الإندوكراين و الرينال و الرومتولوجي
تتناولوا فيها
- الهستوري بالتفصيل
- الكلينكال إكزامنيشن لكل سيستم
مراجع الجزء الإكلينكي :
- كتاب تيلي

- كتاب شير
من إعداد مجموعه من الدكاتره الله يعطيهم العافيه تلاقوه ف مكتبة الشقري
مالقيت له صور
حلو الكتاب ولابد منه للعلمي ملخص ومعطيكم المهم وفي ف نهايته نماذج للأوسكي مررره تحتاجوا تحفظوها زي إسمكم
- الجدول نفسه حيكون عباره عن يومين محاضرات + كلاركينق وثلاث أيام سيشنز
السيشنات :
هي عباره عن " حصه " أو " درس " كل قروب حيكون عنده سيشنات خاصه فيه مع دكاتره معينين
تجتمعوا ف الكلاس ويجي الدكتور يسألكم حضرتوا كيس أو لا ؟
تقدموا الكيس يناقشكم فيها ويصحح لكم ويشرح لكم كمان
تروحوا معاه للمرضى وتطبقوا عليهم الإكزامنيشن
ثلاثه سيشنات ف الأسبوع الواحد عنوانها مختلف بحسب السيستم اللي تكونوا فيه
الكلاركينق :
هي أوقات فاضيه بيحطوها لكم ف الجدول عشان تروحوا تأخذوا كيسيز وتعملوا إكزامنيشن على المرضى
وهي غالباً نفس أيام المحاضرات بعد المحاضره الجدول يكون فاضي
أو بعد السيشن مايخلص كمان جدولكم يكون فاضي ف تستفيدوا من وقتكم
- الباطنه كله يجي 7 إلى 8 أسابيع
كل أسبوع حيكون عندكم سيستم معين
فلنفترض الأسبوع الأول كان عندكم كارديو
- يعني الثلاث سيشنات حتكون كارديو
- والكلاكينق المفروض تأخذوا كيسيز كارديو أو كيس عامه لو حابين بس الأفضل تكون كارديو
- تطبقوا إكزامنيشن كارديو على المرضى
- خلال الأسبوع هذا إحرصوا إنكم تقرأو الكارديو من تيلي وتختموه بنهاية الأسبوع أو ف الويكند بالكثير
- المهم إنكم تلموا الكارديو كله ك هستوري و ك كلينكال إكزامنيشن و ك محاضرات لو أخذتوا محاضرة كارديو خلال هذا الأٍسبوع مثلاً
- ونفس الطريقه تطبقوها على باقي الأسابيع وباقي السيستمات
- فائدتها : إنكم تكونوا عارفين ومختمين تقريباً كل سيستم يسير ف أٍسبوع التفرغ ترجعوا لهم وتثبتوهم مايأخذوا منكم وقت كثير يعني
الإختبار :
- مافي ميد
- الفاينل النظري كله إم سي كيوز وأغلبه كان كيسيز
العملي ( OSCE ) :
عندكم نوعين على يومين :
Inactive OSCE :
يكون بعد النظري وهو عباره عن صور عليها أسئله وتجاوبوها كتابتاً
Active OSCE :
عباره عن 4 محطات
5 دقايق لكل محطه
محطتين هستوري
ومحطتين كلينكال إكزامنيشن
المحطه هيا غرفه يكون فيها الشخص الممثل والدكتور المقيم
تدخلوا المحطه وتطبقوا المطلوب منكم سواء أخذ هستوري أو عمل إكزامنيشن والدكتور يقيمكم على اللي عملتوه
نصائح عامه للماده :
- الباطنه تحتاج منكم مذاكره أول بأول
- تحتاج كمان طريقة حفظ ذكيه للمعلومه يعني حاولوا تربطوا كثير وتفهموا الشيء من الأساس
- حاولوا تحضروا حاله بشكل يومي
- وتقرأوا عن موضوع السيشن قبل موعده
- حاولوا تكونوا سيستمتك ف مذاكرتكم
قصدي رتبوا أفكاركم ولخصوا المعلومات ف بطايق ترجعوا لها وقت الإختبار
- في عباره قالتها لنا بروف عائشه الغامدي ولا زلت أتذكرها تقول ( اللي يفهم ف الميدسن حيفهم ف كل حاجه ف الطب )
الأدوات :
الأدوات اللي تحتاجوا تشتروها
1- Stethoscope
2- Light source
3- Reflex hummer
4- Tuning fork 512
5- Tuning fork 128
6- Tongue depressor
مواقع تحتاجوها :
لفيديوهات الكلينكال إكزامنيشن أنصحكم شيئين :
- السي دي اللي يجي مع تيلي
- وهذا الموقع : http://geekymedics.com/
تستفيدوا منه ف فيديوهات تعليم الإكزامنيشن مره جميل وفي كمان هستوري تيكنق
- هذا الموقع http://www.easyauscultation.com/
يساعدكم ف سماع الهارت ساوند واللنق ساوند كمان حاجه فنانه بصراحه
في مواااقع كثيير مره حلوه
تقدروا تبحثوا وتستمتعوا :)
|
|
Every Day you will touch a life or a life will touch yours #
|
|
|
|