[WARM HEARTED]

قصيدة للشاعر سعد ال سعود

أنا انسان مع نفسي قبل لا اكون معك انسان
ولي مبدأ ولي نظرة وتحكمني قناعاتي


احاسيسي حقيقة ثابتة بالوصل والهجران
أنا طبعي اذا حبيت أحب بكل حالاتي


منادي والنداء نابع من الوجدان للوجدان
اذا ماينطق احساسي حديثي يشبه اسكاتي


غموضي في الهوى تصريح سره يفضح الكتمان
ونظرات الوله والوجد هي أجمل عباراتي


ولا اجامل باحاسيسي ولا اقبل في الهوى احسان
ولا للمصلحة ياسيدي دور بعلاقاتي


ولو الغي شعوري مابقي لي صاحب وخلان
يرافقني على مر الزمن جرحي ودمعاتي


احب الصدق واعمل به كسبت او كنت انا الخسران
ولو صدقي يخسرني تشرفني خساراتي


رفيق العمر لو تجفا ونبض الحرف والشريان
اذا ماغصت باعماقي متى تفهم معاناتي


على كثر الخطا غافر ولا اغفر غلطة الخوان
جزاه الصد والفرقا ولو عاندت رغباتي


ولولا العفو ماخطينا ولا نحيا بلا غفران
خطايانا دليل انا بشر ومنا الخطا ذاتي


على صدر الزمن بكتب شعوري موعد وعنوان
تعرف الشوق لو فتشت عن سر ابتساماتي


واذا كان الهوى نعمة بحطك نعمة الرحمن
واذا الهوى غلطة بحطك كل غلطاتي