[بيو كيميائية ^_^]

طبعًا أنا الحين أدرس

بس قبل ما أتخرج كنت حاطه في بالي أشتغل و إذا مالقيت أكمل فكنت أقدم على الاثنين

أنا لما تخرجت جلست سنة بس

و الله قدمت في البرامج اللي يعملوها التخصصي و الحرس معدلي أعلى بكثير من المطلوب حتى رسالة تعالي اختبري ما جاتني هههه و أقل مني اختبروا

بعد ما أخذت أول دورة جاتني وظايف بس كانت في جدة و رفضتها على طول لأني مو ساكنه في جدة

بعدين اتصلوا علي كاوست أول مرة عشان وظيفة و قالوا لي مقابلة بالهاتف و سحبوا علي ما اتصلوا
بعد فترة اتصلوا علي قالوا لي أقدم عندهم ماستر و قدمت و ما صار نصيب في القبول
طبعًا نفس الفترة كنت أقدم هنا و كنت أدعي الله يختار لي و يسهل الأفضل و جاني هنا فما زعلت على رفضي في كاوست أبدًا لأن خلاص أنا دعيت من الأساس

المهم كمان قبل ما يفتح التسجيل هنا كان جامعة الدمام طالبين فنين مختبر فرحت قدمت أوراقي لما رحت طلع مافيه إلا في الخفجي و حفر الباطن سجلت في الخفجي ترشحت في البداية لكن أبوي ما رضى فما دخلت الإختبار لأن قال الخفجي و حفر الباطن ما تصلح لك يصير فيها حوادث كثير موظفات يموتون فخاف علي

يعني حسيت كل دي الأشياء ما ضبطت لأن أصلًا الله كاتب لي أكمل ماجستير

فيه وظيفة جاتني بعد القبول في الماستر في المقابلة قرأ اسمي قال فلان يقرب لك قلت ايوا قال خلاص مقبوله
بس كانوا يبون يستغلوني تركتهم بعد أسبوع من العمل ما حبيت أسلوبهم
و أخذت دورات كثير وقتها لين ما بدينا الدراسة

الخلاصة

لما تكوني من تخصصات مافيها وظايف بكثرة مثلنا ما تقدمين على حاجة وحدة تقدمين الإثنين

إذا جاتك وظيفة مثل الإعادة طبعًا خلاص موافقة على طول

وظيفة في مكان محترم و كويسة و في تخصصك و راتب كويس يعني حتى لو مو مرة عاجبتك ممكن تقبلين فيها كخبرة لمدة سنة سنتين و تكملين بعدين

هو الأفضل طبعًا يكون عندك خبرة و بعدين تكملين بس إذا مالقيتي لا تجلسي كذا لأن مو في صالحك أبدًا تجلسين كذا بدون أي حاجة

تكلمت كثير :s