وعليكم السلام ورحمة الله وبركاته
انا تخصصي اداري وليس هندسي ولكن بحاول افيدك بحسب خبرتي في التدريب مع ارامكو لاني سبق اتدربت...
انا اتدربت في ينبع وكان معاي طلاب في السكن من جامعة البترول يطبقوا في ينبع وتخصصاتهم هندسية حسب كلامهم فيه شغل وينزلوا السايت..وبرضو افتكر في طلاب طبقوا في سابك كان مبسوطين في ينبع
انا عن نفسي خلال تدريباتي اول اسبوع تقريبا مافي شغل الين تطفش، يعني يوم كان تدريبي مع ارامكو في الظهران علي بال ما يجيني اليوزر والشغل طفشت سرت كل شوي اروح للموظفين والسوبرفايزر اسالهم ايش تسووا اعطوني شغل..الخ. وبعدين في ايام كانت تجيني حتى بريك ما اروح من الشغل ^ـ^ فاعتقد اوقات حسب الادارة الا انت فيها يعتمد الشغل.
فانت اذا شايف سابك ممكن تفيدك اكثر فاتوكل على الله..ايضا سمعت شلمبرجير ممتازة لطلاب الهندسة وفيها كرف شغل..
وان شاء يفيدوك طلاب الهندسة اكثر
|
الله يعطيك العافية اخوي وماقصرت بالمعلومات وكلامك صحيح يعتمد على الادارة
بالنسبة لشلمبرجير وهاليبرتون راسلتهم قالوا لي احتمال كبير مافيه سمر ترينينق هذي السنة اتوقع لانخفاض سعر البترول وبيسرحون موظفين على مستوى العالم يعني ماهم فاضين
شيفرون موقف الانتاج في حقل الخفجي ومافيه تدريب على كلام المسؤول
والله يكتب الي فيه الخير