[سلوى الزير]

السلام عليكم ... وهنيالكم الراحه
اختيار التخصص يعتمد على ميولك الشخصي وهدفك من التسجيل بالجامعه إذا موظف ف امرك محسوم اكيد ب تختار تخصص يناسب وظيفتك ويرفع مستواك فيها وتحصل ع ترقيات وو، إما إذا داخل طلباً لشهادة عليا بتخصص مرغوب فكل التخصصات كويسه ويعتمد على شطارة الشخص ف استثمار تخصصه ...بالنسبة ل تخصص الادارة عليه اقبال ويقولو له مستقبل!! مدري من وين جابو الكلام والشركات عندنا مازالت تعتمد ع العمالة الوافدة وآيضا نظام العمل والعمال لايحمي ولايخدم الموظف السعودي بالقطاع الخاص ....ماعلينا تخصص ادارة اعمال ينفعك إذا فبالك مشروع تبغى تنفذه بس بعد ماتتخصص بمجال يطورك ويساعدك،أو تحب العمل بالقطاع الخاص لان فرص التوظيف فيه متاحة اكثر وكمان العمل بالقطاع الخاص يطور الشخص لان اغلب الشركات وخاصة الكبيرة تتعب على تدريب موظفيها عشان تنجح الشركة،انا تخصص ادارة عامة يشبه ادارة اعمال مع بعض الفوارق البسيطة ....اما تخصص القانون اتوقع ان مجاله محدود المحاميين عندنا صلاحيتهم محدودة واتوقع تتشابه مهامهم مع المعقب بس هم بشهادة وهو خبرة !