10-07-2015, 02:00 AM
|
#2
|
تاريخ التسجيل: Jul 2014
كلية: كلية الآداب والعلوم الانسانية
التخصص: علم إجتماع ()
نوع الدراسة: إنتظام
المستوى: الرابع
البلد: جــــدة
الجنس: أنثى
المشاركات: 25
|
-
و عليكم السلام و رحمته و بركاته
صباح الخير عليكِ يا جميله 
أول حاجة و قبل لا أتكلم في أي شيء !
-كبري الخط لو سمحتي ترا يادوبك نشوف- 
و كمان نقطة ! تنسيقك فتنه تبارك الرحمن ()
مبروك للجميلات اللي انقبلوا و ربي يوفقكم و أي حاجة بدكم ياها إحنا معاكم بإذن الله .
أنا طبعًا من دفعة 15 , و كنت بعمل زي بدور ما غير اللفلف في المواقع و أشوف ( تجارب الدفعات اللي قبلنا )
و إيش نحتاج و إيش مانحتاج في الجامعة و...و....و.... إلخ
المادة اللي سببت لي أزمة نفسية و صحية و جسدية ( الإنقلش ) 
محدثتكم دخلت إختبار تحديد المستوى لكن اخذته من اول و جديد , ياخي مرا مالي و مال هالإنقلش و الكلام الفاضي دا
نصحية من أختكم في الله , محبتكم في الله , وحدة تبغى لكم الخير !
أدخلوا إختبار تحديد مستوى و إن شاء الله تعدوا كم مستوى كذا ..
ترا والله الجامعة شيء مرا ممتع و انا شخصيًا حبيت الجامعة رغم إنه الإنقلش كان مسبب لي أزمة , بس الحمد لله نجحت فيه بالدف 
بالنسبة للمواد الثانية , لاتسمعوا لأي كائن حي يحطمكم و يقول لكم إنها صعبة , أنا ممكن اتفق معاهم في نقطة وحدة
اللي هيا مواد خطة ( أ ) أصعب من ( ب ) بشويتين بس و لا الباقي كلهم سهل و خفيف الحمد , بس أهم شيء لا تكثر سحباتك و غياباتك 
و بالنسبة للرياضيات و الإحصاء - هالمادتين حبيبات ألبي والله -
يمكن اغلب اللي انقبلوا في هالمسار بنات أدبي - ياحبي لكم بس - الزبدة إنه بناتنا عقدة حياتهم الإحصاء و الرياضيات
لكن أبشركم إنه في المادتين تقدري تجيبي فيهم الـ a+ بسهولة بإذن الله
و ربي يوفقكم حبيبات قلبي ()
الزبدة انا بجد استفدت كثير من المواضيع اللي زي كذا , يعني انصحكم اقرأوا الموضوع كامل لأنه أختنا الفاضلة تقريبًا كتبت كل شيء 
و أنا عندي موضوع كنت بنزله في شوال و كذا بس مدري وش اكتب فيه ؟ كل شيء كتبته هالجميلة 
على العموم ربي يسعدك بدور و يكتب أجرك
|
|
|
التعديل الأخير تم بواسطة شود البيشي ; 10-07-2015 الساعة 02:14 AM.
|
|
|