الرياضيات يبغالها تركيز ودراسة تماااااااام المنهج مافيه شي جديد ,,فيه اشياء من ثالث ثانوي
الانقليزي ركزي على الكلمات والقاعدات احفظيهم وحاولي تطبيقيهم على عدة جُمل
مهارات الاتصال مادة جداااااا سلسة وحلوووة بس يبغالها حفظ لاتشيلي همها
مهارات التفكير دسمة دسمة يعني اقلها كل اسبوع ذاكري جزئية واحفظيها لان قبل الاختبار مافيه وقت انك تذاكري بتركيز وانتبهي تشوفي اسمها سهل تسحبي عليها..
الاحصـــاء
حلو وممتع ووقت الاختبار تجيكم القاعدات في ورقة خارجية بس لازم تفهمي وقت المحاضرة عشان تعرفي تطبقي
الحاسب
سهل بس الكتاب كبير والخطوات كثيرة يعني اي شي تذاكريه طبقيه عملي وصدقيني وقت الاختبار بتتذكري اشياء من التطبيق العملي
الثقافة الاسلامية
موضوعاته حلوة واغلب مواضيعه عارفينها وفيه اشياء كثير نطبقها في حياتنا
العربي
انا بصراحة المادة ذي مااحبها بس الحمدلله نجحت فيها
بس جد يبغاله مذاكرة بتركيز يعني حاولي تشوفي الكتاب و الي يصعب عليكي اسالي الاستاذة وتشرحه لك
لما تاخذي محاضرات حاولي تاشري الاشياء الي تركز عليها الاستاذة كانك تلخصي لنفسك
وسوي خرايط ذهنية تسهل عليكي انك تتذكري كل جزئية اش فقراتها
يالله ربي يوفقكم ويوفقنا ,,
ان شاءالله اكون افدتك ,,