[عبدالعزيز.]

السلام عليكم ورحمة الله و بركاته
أنا خريج ثانوي مسار علمي معدلي الموزون بجامعة الملك عبدالعزيز 92 أنا عندي عدة أسئلة و ضايع و محتار

ســ1 : هل معدلي يضمن قبولي للجامعة ان شاء الله ؟

أنا أن شاء الله بحاول أختبر أيلتس عشان أعادل الانجليزي وأعرف أنو لازم أخذ 4.5 و فوق في الايلتس عشان يحذف الانجليزي أسئلتي هي :

ســ2 : أختبر أيلتس جينرال و لا أكاديمي , أيش تقبل جامعة الملك عبدالعزيز ؟

ســ3 : متى أعطيهم شهادة الأيلتس , يعني متى يطلبونها مني ؟

ســ4 : يصير أختبر اختبار تحديد المستوي تبع الجامعة و لو ما أخذت فيه مستوى كويس أقدم شهادة اختبار الايلتس , يعني بالعربي أقدر أختبر تحديد المستوى و و أقدم شهادة الايلتس و لا بس واحد من الأثنين ؟

ســ5 : متى يكون اختبار تحديد المستوي عن بداية الدراسة بكم يوم يعني ؟

ســ6 : ايش أخر حد أقدر أقدم فيه شهادة الأيلتس , يعني بعد ما تبدا الدراسة أقدر أقدم شهادة الايلتس ؟

ســ7 : لازم أجيب 4.5 وفوق عشان أعادل الانجليزي طيب لو جبت مثلا 3.5 هل يحذفون عني ثلاث مستويات و يخلوني في الرابع مثلا ؟

أسف كثرت أسئلة بس منجد أحس إني ضايع , جاوب على اللي تقدر عليه .