[joojah]

المشاركة الأصلية كتبت بواسطة M!ss Mojy بإختصار وبدون تعقيد جهد التآين هوا الطاقه اللازمه لفقد الكترون من الذره في الحاله الغازيه يعني كل ماكان فقد الذره للالكترون صعب كل ماكان جهد التآين لها كبيــــر مثلا عندك عنصر الفلور في مجموعه الهلوجينات يعني باقي له التكرون واحد ويوصل للاستقرار يعني لو تعطيه جبل طاقه ماراح يفقد هذا الالكترون لانه اساسا يبغى يكتسب عشان يصير مستقر عشان كذا جهد التآين للهالوجينات كبيــــــــــــــــــر بس عموما اكبر جهد تآين هوا للغازات الخامله لانها خلاص وصلت للاستقرار فمهما اعطيتيها من طاقه مستحيـــــــــــــــــــــــــل انها تفقد الكترون من عندها << ببساطه مرره طماعه هع الالفه الاكترونيه عكسها تماما هي الطاقه الي راح تفقدها الذره عشان تستقبل الكترون وتتحول الي آنايين يعني ببساطه قابله الذره للاكتســــــــــــاب ومن هذا نستنتج انو اكثر العناصر الفه الكترونيه هيا الهالوجينات برضوو ليـــــــــــــــــه ؟؟؟؟ لانها ناقصها الكترون واحد بس عشان تصير مستقره << يعني مررررره عطشانه وطبيعي اكثر شخص عطشان هوا الي بيكون مرررره متلهف عشان يشرب المويه <<< انا افهمها كذا هههههههههه بس في شي هنا لازم تنتبهي له انو الغازات الخامله الفتها الاكترونيه سالبه اوصفر ليـــــــــــــــــــــــه ؟؟؟ عشان الغازات الخامله مستقره يعني شبعـــــــــــــــــانه مررره ومهما اعطيتيها طاقه ماراح تقبل فيها لانها اساسا مو محتاجه زي الهالوجينات فبالتالي الالفه عندها تكاد تكون معدومه ... واتمنى انك تكوني فهمتي عليا ........

ثااااانكس مووجي على الشرح

لسه بخربط حتى انا فيها مع انو انونه شرحتلي هيااا ~> الله يستر بس في الإمتحان ماأتخربط

يب نسيتـ أقلكمــ عن خطوات رسم لويس اللي كتيتها ماأقدر اطبقها على الشواذ من القاعده الثمانيه اللي هوما :-

عناصر المجموعه الأولى والثانيه لنهم incomplete octet

عناصر الدوره الثالثه لنهم Expanded octet

يعني اصلن ماتنطبق عليهم القاعده الثمانيه فما أطبق عليهم ديك الخطوات لرسمهم

انتبهوا لا تعجنوا الدنيا وتخرجوا تدعوا علياا بعدين