عرض مشاركة واحدة
منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 17-05-2009, 09:09 AM   #232

M!ss Mojy

Dr.mo0ojy

الصورة الرمزية M!ss Mojy

 
تاريخ التسجيل: Jul 2008
التخصص: طب وجراحة (خطة جديدة)
نوع الدراسة: إنتظام
المستوى: الخامس
الجنس: أنثى
المشاركات: 1,260
افتراضي رد: لننتصر على الكيمياء

بالنسبه لتمرين 4-8 فقره b

جهد التآين الثاني هذا ماراح تفهميه الا لمن تسوي توزيع الكتروني

يعني هوا طالب انو نقارن بين الليثيوم والبريليوم

طيب احنا عاده في جهد التآين الاول نقول انو في الدوره من اليسار لليمين يزيد جهد التآين

وزي مانعرف انو الليثيوم قبل البريليوم يعني بنقول انو البريليوم جهده اكبر

لكن في حاله جهد التآين الثاني تختلف عندي طريقه الحل

يعني الليثوم عنده اساسا 3 الكترونات وفي جهد التآين الاول فقد واحد يعني صار عنده الكترونين بس

يعني توزيعه الالكتروني 1s2

اما البريليوم عنده 4 الكترونات وفي جعد التآين الاول فقد واحد يعني صار عنده 3 الكترونات

يعني توزيعه الاكتروني 1s2 2s1

ونجي نقارن بين الذرتين ايش الذره الي صعب عليها انها تفقد الكترون يعني خيا راح تكون اعلى جهد تآين ثاني

نشوووف الليثيوم عنده مدار واحد بس وكل الالكترونين مرره منجذبين للنواه يعني صعب على الذره انها تفقد واحد منهم

اما البريليوم عنده الكترونين في المدار الاول والكترون واحد في المدار الثاني

بما انه في المدار الثاني يعني تقدر تفقده الذره بسهوله اكثر من لمن يكون في المدار الاول

عشان كذا الليثيوم جهد التآين الثاني عنده اكبــــر لانه بصعوبه نقدر نفقد منه الكترون

وان شاء الله تكوني فهمتوا عليا ... عارفه اني مااعرف اشرح بس مشوا حالكم هع

 

توقيع M!ss Mojy  

 

يـــــا جآمع الطــــــــب والايــــــــــــمان في هدف .. ابشر بمكرمة لابد تلقآها ~نقرتين لعرض الصورة في صفحة مستقلة




 

M!ss Mojy غير متواجد حالياً