\
,
::":: الا ياشمعة ضوّت بدربي كل شيء زين ::"::
الا ياشمعة ضوّت بدربي كل شي زين
الا يامهجة الخاطر الا ياعطر اوقاتي ,,
,
الا يا سمحة الخاطر ترا قسوتك عندي لين
وقولك ياحبيبي لي تزيل الهم عن ذاتي ,,
ابوصفها وش اوصفها ملاك كامله بالزين
وزاد الله حلاها يوم صورها بنظراتي ,,
جمال الغيد في كفة وهي زادت بعد ضعفين
خلق مع دين مع رقّه وصبرفوق طاقاتي ,,
انا داري دواويني بتعجز عن سداد الدين
واحس اني مقصّر لو كتبت الشعر وابياتي ,,
عرفتوا من لها ابياتي ومن هي سيدة الحلوين
هذيك أمي ياهيه امي لها بالقلب نبضاتي ,,
انا قصّرت يايمه وابي منك سماح ولين
وغفران الزلل يمّه وانا عيبي بزلاتي ,,
انا مابي سوى جنه تحت رجلينك الثنتين
وابي ترضين عن ولدك وابي تمحين غلطاتي ,,
أنا لي قلب يايمه وبي خوف ولي كفّين
مادامي حيّ يايمّه ابادعي لك بخلواتي ,,
’
تحميل النشيد ,
كل الود :) ,,
,
\