[υикиσωи]

المشاركة الأصلية كتبت بواسطة mermaid بناآآآآآآت بليز وحده تشرحلي ايش يعني geometric isomers زي مثلا في سؤال في تيست بنك the tow molecules represented below are example of CH3-CH2-O-CH2CH3 CH3CH2CH2CH2-OH الاختيارات A- Geometric isomers B-structural isomers C-optical isomers D-non of these والجواب b بليز اللي تعرف لاتبخل وشكرااااااا

طبعا حيكون B ..
أشرحلك الآيسومر كلها عشان تفهمي ليش اخترنا B ..

شوفي يا عسل ..


دحينا حسب دا الشي الموضح فوق ..
حتتقسم الــIsomer لقسمين ..
الاقسم الاول ..حيكون فيلو الــstructural Isomers
وزي مهو موضحلك في الصورة ..
اللي حيختلف عندنا هوا المواااقع حقت الذرات ... لكن الصيغة حتكون نفسها ..
وعشان نتأكد ..دايما عدي جميع الذرات لكل نصر وتأكدي انها نفسها ..


أمااا القسم التاني .. فحينقسم برضو لاتنين ..Geometric & Optical ..
الــGeometric حيكون بسس في الــdouble bond ..
حيكون اماا cis ازا اللي قبل الرابطة وبعدها في نفس الاتجاه ..
او tran ازا كان اللي قبل الرابطة واللي بعد الثنائية في اتجاهين مختلفين

طيب النوع التاني في القسم التاني هوا الــoptical ....
وهوا زي محنا عارفين ع حكاية المراية وكدا ...
الأشياء اللي مرتبطة بالكربونة ما حتتغير زي ما حصل في الآيسومر الأول ... هنا بسس حيتغير ترتيبها ..حينعكس ...


طيب حأحط أمثلة عشان تفهميني ..
شوفي لو دحينا نبا نجيب كل الآيسومر للــC3H8 ... كنرسمها كالتالي ...
[/URL]

جربي ترسمي أشياء تانية ما حيمديكي ... حترسمي ممكن أشياء بالشقلوب زي كدا ..


[/URL]


<< بسس دا ما حنعتبرو Isomer strucrute لانو كأنو رقم 2 بسس بالعكس ..لانو لو جيتي سميتيه حكون ليلو نفس تسمية رقم 2 .... بسسحنقول دا Achiral لرقم 2... << يعني ما حيكون Optical Isomer برضو ..

وع ــشان الناس اللي تحب تتفلسف وتقول من فين جبتي دا الكلام ..ودكتورتك تخرف ..ارجعو للروابط دي ..وبرضو للحلويين اللي يبو يتسفيدووو..
http://www.avogadro.co.uk/organic/isomer.htm#structural
http://www.chemguide.co.uk/basicorg/...m/optical.html



طيب بالنسبة لسؤالك << بدري ..

حناخد خيار خيار ..
اول شي طبعا ما حيكون Geomertic لانو ما في رابطة ثنائية عشان نكمل ..
نجي للتاني Structural Isomer وحنلاقيه فعلا هوا لانو بسس اللي اتغير هوا ترتيبالذرات ..لانو لو عديتي كل ذرة من الذرات حتلاقيها نفس العدد ..
ام الخيا التالت .. Optical Isomer... لو حطينا المركب الاول قدام المراية ما حيدينا المركب التاني ..سووو نستبعدو ع طوووول ...


بالتوفيق ...مع انو ما اتوقع فهمتي شي من الخرابيط اللي كتبتها ..