×
السلام عليكم ورحمة الله وباركاته
اول شي احب اشكر كل القائمين على هذا المنتدى والشكر موصول لكل شخص يحاول
مساعدة الطلاب والحمد لله الدنيا لازالت بخير
انا عندي استفسار ياليت الي عنده معلومه الاكيده يفيدني
انا درسة في جامعة الملك سعود 5 سنين متتالية قسم محاسبة وخلصت تقريبن حوالي 90 ساعه
من ساعات التخرج البالغه 128 ساعه ولكن للاسف صارت لي ظروف ورسبت في كثير
من المواد وتم فصلي بعد هذه السنوات بدون أي فايده من الي درسته لم استفد الا الغبنه
والقهر على الي فات وبعدها رحت وأخذت دبلوم محاسبة من نفس الجامعه وبمعدل
قوي يتعدى الاربعه لكن بصراحه انا لازلت ارغب في البكالوريوس واريد ان اتحدا نفسي واخذها
وتعرفون الحين حتى البكالوريوس ما تكفي عشان الواحد يصير له مكانة في المجتمع
المهم انا سؤالي هل هناك إمكانية معادلة بعض المواد لأني شفت خطة الدراسة لقسم إدارة الأعمال
القسم الي راح اختاره ان شاءالله كثير من المواد درستها يعني حرام ادرسها مرتين وانا دارسها
في المره الاولى بإنتظام وجامعة حكوميه كبيره يعني الانتظام اولى من الانتساب
اخواني الي عنده معلومه عن هالشي واي شخص عُدلت له مواد من قبل ياليت يقول حتى لو بالواسطه
يعني هل هناك امكانية المعادلة واذا كان ممنوع هل المبدأ ممنوع والا فقط للي ما عنده واسطه
اسف على الإطالة بس عجزت القى احد يفيدني ويعطيني الرد الأكيد
انتظر ردودكم والله يعطيكم العافيه يارب
\