[Alnader]

شباب ... كيف الحال عساكم بخير

أنا عندي سؤال و أجابة دائما أوجه لنفسي والسؤال ؟
س / هل في واحد عدى هالمادة بدرجة +b فأكثر .
ج / نعم .

إذا ما حيكون أفضل مني .. و أجيب أكثر منه أن شاء الله .

اللي أنا لاحظته في هالموضوع من أغلب الشباب الأيحاءات السلبية ، شوف يا أبو الشباب خذها قاعدة في راسك لا تقول صعب ، ما أقدر ، أنا ما راح أنجح .. ومثل هذه العبارات السلبية .
وراح أبشرك إذا أنت قلتها لنفسك دائما .... أبشرك راح تحمل المادة .

لكن خلك قوي و قل لنفسك المادة سهلة ، و أنا أقدر اعديها واللي عدوها مو أحسن مني ، و راح أنجح غصب عن الدكتور أيا كان هذا الدكتور ... وصدقني راح تعديها .

بالنسبة لي أنا بصراحة جميع المواد النظرية واللي يبيلها حفظ ... ما تخارج معي أما أي مواد فيها أرقام وحسابات .. أزهلها .

وطريقتي بالمواد النظرية كالتالي :
أبدأ بالمذاكرة بشكل عام قبل الاختبارات بشهر تقريبا شهر واسبوع .( لأني موظف أهلي ولا أطلع من الدوام لين بعد المغرب ) .
بالنسبة للمواد النظرية أحاول أقرأها مرتين وفي يدي قلم ( فولوماستر أو هاي لايت ) قراءة متأنية يعني ( أركز و أنا أقرأ المعلومات ) مو ( طربق طربق طربق) و أنا اقرأ أحاول أني اظلل المعلومات اللي أتوقع يجي منها سؤال مثل التعاريف الأسباب و على هذه الشاكلة .
و أرمي الكتاب لين يوم الاختبار ... ويوم الاختبار ما أقرأ إلا اللي أنا ظللته بالقلم أما الباقي ولا أهتم فيه نهائيا ، و أحاول أني أبحث عن أسئلة موجودة من الشباب جزاهم الله خير .. وهكذا .
نصيحة لا تصعبون الشئ على أنفسك ترى هذا يسبب لكم ربكة في القاعة ، يعني لما تجي تحاول تجاوب ( تدج ، ولا تدري ربي وين حاطك ) و أول ما تطلع من القاعة تتذكر أجابة أو أجابتين ، والسبب أنك كنت متوتر وخايف من الأسئلة وبالتالي مخك يتشتت.
اتمنى للجميع التوفيق والنجاح