[@Amal]

المشاركة الأصلية كتبت بواسطة max1 يعني تبغى تفهمني انو كله مو حلو طيب ايش اسوي؟طيب انت إدارة وإقتصاد إذا مو عاجبك القسم ليه مستمر فيه ولا يعني انت ولد ولكم مجالات أكثرولو سمحت قلي انت ايش تخصصك؟وايش تنصحني ادخل؟ انا ما قلت انه كله مو حلو – بليز ركزي – أنا قلت انا كل اقسام كلية الادارة والاقتصاد تصنيفها في الدوائر الحكومية والشركات تصنيف واحد – مثلاً تصنيف خريج كلية الادارة والاقتصاد سواء كان التخصص ادارة عامة أو إدارة اعمال أو محاسبة في وزارة الخدمة المدنية تنصف على المرتبة السادسة والسبب أنها تخصصات نظرية – يعني المهم الواوا اللي توصلك للوظيفة . أما التخصصات العلمية مثل كلية الهندسة أو الحاسب الآلي أو أي تخصص علمي أخر فيكون تصنيفها في وزارة الخدمة المدنية على المرتبة السابعة – وإنتي الآن ملاحظة أنه فيه زياده مرتبة على التخصصات النظرية – والسبب أنها تخصصات علمية وبخصوص أننا أولاد فيكون فرصنا ومجالاتنا أكثر فهذا شئ أكيد . أما بخصوص تخصصي : فأنا خريج ماجستير حاسب آلي قبل سنتين . وبتقوليلي طيب ايش دخلك في الهرجه : بقولك أنه عندي المدام أخيراً اقنعتها انها تدخل كلية الإدارة والاقتصاد وعشان كذا انا دخلت هذا المنتدى عشان ابغاها تستفيد وأسوي عليها مـدرس . وطلبك النصيحة : قبل ما اقولك النصيحة اول شئ ابغى اعرف هل انتي شخصية عملية ولا نظرية – يعني تفضلي الفهم على الحفظ أو العكس وان شاء الله اني جاوبتك على كل أسألتك تحياتي

اهااا مسوي فيها مدرس على المدام وعلينا دحين فهمت عليك انا احب افهم وبعدين احفظ والحمدلله ماعندي مشاكل في الحفظ ههههههههه شكلي حيرتك.لوسمحت إذا قلتلي إدارة أعمال قول ايش المسارت الحلوه فيها لاني سمعت نظم معلومات كويس بس يقدر الواحد ياخده في دبلوم صح كلامي ولاغلط؟انا عارفه انو تعبتك بس استحملني لوسمحت قولي بعد ماأتخرج ايش اشتغل؟ سواء في إدارة أعمال أومحاسبه.
ومشكوووووووور جزاك الله خير.