نصيحه لوجه الله اذا تبغى المستقبل والسهوله روح انتاج ولا كيميائيه وتشوف اذا تخرجت انك تدعيلي
|
يا اخي اتق الله لا تتكلم عن شي ماتعرفه ... بلا ادنى شك الطلب الاول في مجال العمل لقسم الهندسه الكهربائية بشكل عام ورواتبهم الاعلى ... عارف انك ودك تنصح الرجال لكن انا في اخر السنه الرابعه ومواد دسمه وكرف وبالقوة مستحمل وهذا وهو ميولي ... صدقني لو واحد دخل تخصص مايناسب ميوله او قدراته تشوفه على السنه الثالثه يخبص ويلعن الجامعه ويلعبن اللي نصحه بالقسم حتى ناس كثير تحصله خلاص مابقي الا له الا سنه ويحول تخصص ثاني ... اعرف واحد بعد 3 سنوات حول ادارة واقتصاد ما قدر يتحمل !
يعني مثلا لو واحد يكره شي اسمه رسم او تخيل فصعب يمشي مثلا في الانتاج ... اتمنى تكون الفكره وصلت
أنا ميولي من صغري للحاسب والحمدلله كنت متميز دائما فيه بالنسبة للهاردوير والسوفتوير وترشحت لبرامج في شركة أرامكو مهتمة بمجال الحاسب والشبكات
المشكلة أنه ماني عاارف الشركات اللتي تطلب بالفعل مهندسي حاسب ؟؟
ثانيا تعرف أحد تخرجوا قريب وتوظفوا وهم من هندسة الحاسب ؟؟
|
مثل ماقلت القسم له طلب وخاصة الشركات الكبيره مثل سابك وارامكو ... الطلب اضعف لدى الشركات الثانيه الصغيره لانها ماتفرق بين مهندس الحاسب وعلوم حاسب للاسف والفرق كبير وهذا بسبب عدم الوعي
لكن مثل ماقلت في شركات كثيره تطلب التخصص يعني اذكر سابك جات تبي توقع عقود مع طلاب قبل التخرج فطلبت اقسام كثيره وذكرت قسم الهندسه الكهربائيه + هندسة حاسب ... لاحظ الحاسب ضمن قسم الكهرباء لكنهم ذكروه بالاسم وعندك ارامكو والخطوط والكهرباء ...الخ
فالوظائف متوفرة وخاصة في المدن الصناعيه
فانت لا تشيل هم ولا تسمع كلام اللي يعقدوك في القسم ... من الحين اقولك القسم مثل اي قسم في الكليه بتحصل دكاتره معقدين ومواد مالها داعي لكن بشكل عام ممتاز وراح تستمتع وخاصة على السنه الثانيه او الثالثه لما تنتهي من المواد العامه وتبتدا تاخذ مواد عن الدكاتره الفاهمين
على فكرة اذا ناوي حاسب ان شاء الله لا تاخذ الجافا مثل ماقلت في موضوعك عن الصيف خلها ترم عادي لانه ماده اساسيه وتبني عليها مواد ثانيه فلازم تفهمها حتى تمشي في اللي بعدها
وبالتوفيق ان شاء الله