السلام عليكم ورحمة الله وبركاته وبعد :- أخواني أخواتي
أخيرا , انا أكتشفت إختلاف وجهات النظر في إختبار مادة مبادئ الإحصاء !
مسوي محقق
السبب ببساطه هو ( نماذج الأسئلة )
نعم لأن الصراحة وما أخفيكم سر
{أنا على نياتي وما خطر في بالي الغش } بس لقااااااافة لمقارنة الاسئلة أختلست النظرات
عن اليمين وعن الشمال
فلاحظت تشتت الأسئلة
قهر يا أخي
لا وأزيدك من الشعر بيت
قابلت أحد الزملاء كان نموذج ( b )
المهم أنا كنت نموذج ( d )
وليتني ما كنت
(طبعا النموذج اللي كان أسئلته ذات الصفحة الزرقاء والأجوبة ذات اللون ( ما أدر أيش يسمونه { أظنه فوشي } أو بمبي ليموني اللي دخنا أو فحطّنا
ما حصلنا بيانات فقرة
سادسا)
طبعا { والحمد لله أصعب نموذج } (
لازم ترضى بالمكتوب
)
المهم طالعت في الأخ اللي جنبي من ناحية اليمين ( نموذج a ( والله يا أسئلته
يحلها وهونايم ومتسدح
مو لو شاف المباراة بالتلفزيون والله لو كان عندهم في الملعب
أسئلته من جميع النواحي الأسئلة النظرية أو التطبيقات ماشاء تبارك الله سهلة
طالعت في الأخ اللي جنبي من ناحية اليسار واللي نموذج (c) والله الصراحة أسئلته صعبة يعني ويعني بس الصراحة صعبة ( في كل الأحوال أقل صعوبة من نموذج d لأنه كان أصعب نموذج وبحكم أنه أنا أختبرت فيه وأعرف أسئلته
)
سألت واحد من الشباب اللي قابلتهم برة القاعة ( اللي كان نموذج (b) أسئلته متوسطة إلى سهلة لكن أصعب من نموذج a )
وحبيت أبين لكم الموضوع بعد ما شفت آرائكم اللي
يقووووووووول مويه واللي يقول صـ ع ع ع ع ع ـبة
وبس
على كل الأحوال إن شاء ما نحمل المادة ولا نحمل همها
ومبروك للاخوان والأخوات اللي كان من حظهم نموذج ( a+b )
و هااااارد لوك للاخوان والأخوات اللي كان من حظهم نموذج ( c+d )
ونتمنى من الأخوة والأخوات اللي كان من حظهم نموذج ( a+b ) لا يكسرون خاطرنا بكلمة سهلة
نتمنى من الأاخوة والأخوات اللي كان من حظهم نموذج ( c+d ) لايزعلون على حظهم
طبعا أنا أحط إستطلاع ونشوف ردودكم بس علشان نتفهم الوضع
وعلى كل حاااااااااااال الله بوفقك الجميع بدون إستثناء
ومنتظرين ردودكم