[Jeddah_one]

المشاركة الأصلية كتبت بواسطة متفائله بقوه انا متخرجه من عشر سنوات من قبل ما يطبقوا اختبار القدرات واعتقد اني ذكرت اني الظروووووووووف منعتني وليس القدرات وبعدين انت تعرف ايش هي ظروفي والا ظروف غيري وبعدين لو لاحظت اغلب اللي اعجبهم نظام التعليم عن بعد هو سهولة الدراسه دون الحاجة الى السفر ما فكرت انه يكون هذا سببي ما فكرت اني بنت يعني الامر مو بيدي ...الامر بيد ولي امري ( في البعض ما يعترف باهمية اكمال الفتاه دراستها ...وفي البعض خاف من الي يصير في سكن الطالبات فمنعها من الدراسه وغيرره) يعني في اسباب كثيررررره اي واسطه اللحين انا جبت سيرة الواسطه وبعدين من قال لك اني ما دورت على حلول طول هالسنين وانا ادور واسأل كل ما سمعت عن شيء استفسرت عنه وكمان لما فتح عندنا مركز يعطي دبلوم بالحاسب دخلته مع اني دفعت فيه 18000 ريال ويمكن اكثر من اللي قال لك اني ما سعيت يعني جبت هالنسبة عشان اسكت واقعد واقول هذا حظي حاولت اني اقهر الظروف وكل ما لقيت حل تكون التخصصات مثل تخصصات الانتساب واذا لقيت تخصص يرضيني لازم تلقى شيء قوي يمنعني يعني انا ما كتبت هالشيء الا لما انتبهت انه مر 10 سنوات من تخرجي بالثانوي تعرف يعني ايه عشر سنوات وانا ما حققت شيء وبعدين مين قال لك اني قاعده انوح والا اشتكي هذا اللي اسويه هي اخر الحلول يعني ابي اصوات كثيره عشان نوصلها للمسؤولين عشان يعرفوا انه احنا ما نبي بس هذة التخصصات نبي تخصصات اكثر لانه لو انا قلت لهم بس ...راح يقولوا ليش نفتح وهي وحده بس بس لما يشوفوا انه في مجموعه تبي القسم راح يفتحوه

طيب انا احب انوه لشي انه انا ان طرت فيكي فجأة مو لحاجه ولا شي انا محا ينقص مني شي لو اشوف الموضوع وماارد عليه والعكس , بس شي يقهر انا لو عليا مني فحاجة الشهاده ولا ابغا لشي مهم , مجرد تحصيل حاصل , واكره الدراسه من الابتدائي , باختصار اكره الروتين , مع كدا دخلت واعطيت وقت للجامعه واهو بنكملها ,

المفيد ( من كل شي مانحبه خلاص نقعد نستنى الي نبغاه عمرو محا يجي الي نبغاه طالما احنا ماضغطنا على انفسنا وتعبنا وحتى لو درسنا شي مايمشي مع ميولنا , بعدين الميول عامل مساعد ماهو الشي المره مهم لكن شاحن نفسي للمضي قدما مو اكثر )

المهم
انتي كدا تروقي ويبدأ التسجيل تسجلي وتشدي حيلك و تدرسي وترى منهاجهم مرفعه ماعندهم سالفه انا ماعمري شفت جامعة اقدر اذاكر مقررها ليلة الاختبار , يعني تمشي وتتسهل ,

وعلى فكره انا بسببك
جات وحده طفله يعني لو اني متزوج كان جبت وحده قدها تقولي ممكن اسألك سؤال؟ انت معقد ولا مريض نفسي؟

تعرفي ليه؟

عشان ردي الاول عليكي, تقول انه وحده تبغا من يواسيها تقوم ترد عليها بهجوم

انا طبعا ماشرحتها ولاكلفت على نفسي اشرحلها لانها بالنسبة لي ماترى بالعين المجردة

لكن لكي انتي شرحتلك وقلتلك لو مااني مهتم بانه تبدأي وبسرعه كان ماقلت حرف من الي قلته , وانا مو من النوع الي يواسي ويقعد يبكي جمب الاطلال , انا عندي اخدك من يدك وارفعك بكيفك ولا موبكيفك , مع الخيل ياشقرا هادي بطلوها من زمن اسكت , اذا الكل جا جمبك وقعد يطبطب محا تحسي فيها زي ماتحسي فيها بالطريقة الثانية ,

خليكي متفائلة لكن افعلي و اخطي خطواتك , التعليم ماله سن , ولا العلم حكر لأحد , واعرفي انه لولا الطيحات ماكان الواحد يتعلم كيف يوقف مره ثانيه !


بالتوفيق