[متفائله بقوه]

المشاركة الأصلية كتبت بواسطة jeddah_one طيب انا احب انوه لشي انه انا ان طرت فيكي فجأة مو لحاجه ولا شي انا محا ينقص مني شي لو اشوف الموضوع وماارد عليه والعكس , بس شي يقهر انا لو عليا مني فحاجة الشهاده ولا ابغا لشي مهم , مجرد تحصيل حاصل , واكره الدراسه من الابتدائي , باختصار اكره الروتين , مع كدا دخلت واعطيت وقت للجامعه واهو بنكملها , المفيد ( من كل شي مانحبه خلاص نقعد نستنى الي نبغاه عمرو محا يجي الي نبغاه طالما احنا ماضغطنا على انفسنا وتعبنا وحتى لو درسنا شي مايمشي مع ميولنا , بعدين الميول عامل مساعد ماهو الشي المره مهم لكن شاحن نفسي للمضي قدما مو اكثر ) المهم انتي كدا تروقي ويبدأ التسجيل تسجلي وتشدي حيلك و تدرسي وترى منهاجهم مرفعه ماعندهم سالفه انا ماعمري شفت جامعة اقدر اذاكر مقررها ليلة الاختبار , يعني تمشي وتتسهل , وعلى فكره انا بسببك جات وحده طفله يعني لو اني متزوج كان جبت وحده قدها تقولي ممكن اسألك سؤال؟ انت معقد ولا مريض نفسي؟ تعرفي ليه؟ عشان ردي الاول عليكي, تقول انه وحده تبغا من يواسيها تقوم ترد عليها بهجوم انا طبعا ماشرحتها ولاكلفت على نفسي اشرحلها لانها بالنسبة لي ماترى بالعين المجردة لكن لكي انتي شرحتلك وقلتلك لو مااني مهتم بانه تبدأي وبسرعه كان ماقلت حرف من الي قلته , وانا مو من النوع الي يواسي ويقعد يبكي جمب الاطلال , انا عندي اخدك من يدك وارفعك بكيفك ولا موبكيفك , مع الخيل ياشقرا هادي بطلوها من زمن اسكت , اذا الكل جا جمبك وقعد يطبطب محا تحسي فيها زي ماتحسي فيها بالطريقة الثانية , خليكي متفائلة لكن افعلي و اخطي خطواتك , التعليم ماله سن , ولا العلم حكر لأحد , واعرفي انه لولا الطيحات ماكان الواحد يتعلم كيف يوقف مره ثانيه ! بالتوفيق

شوف انا اول ما شفت ردك

صراحة استغربت منه

لانه لقيت خلال فترتي القصيره بالمنتدى كيف انت خدوم

فما اتوقعت هذا ردك

ومثل ما قلت العلم مو محتكر على عمر معين

عشان كذا ما ابغى اتهور وادخل ادرس تخصص ما ابيه وبعدها بكم سنه يفتحوا تخصص حلو

يرضيني حتى لو كان غير الحاسب

وبعدين شوف هو لو كان مجانا

كان درست كل التخصصات المتاحة مو واحد بس... حتى يجي فرج ربنا ويفتحوا الاقسام الثانيه

بس لانه بفلوس ويكفي اللي دفعته على دبلوم الحاسب

يعني اللحين انا ابغى احاول مع الاعضاء عشان اشوف ايش نيتهم هل ناوين يفتحوه والا الفكرة

مستبعده بعدها اقرر اما ادخل هذة التخصصات او لا

يعني الواحد يحاول قبل ما يخوض اي تجربه