أنا اتوقع كل اللي ذكر هو بسبب مرور الدنيا على الناس ومضي الزمان ، وهذا شيء طبيعي لأن الدنيا زي ما تفرق الناس ممكن تجمعهم تاني ، وزي ما تجرح ناس تفرحهم وتفرح غيرهم ، الدنيا يوم لك ويوم عليك.
ولكن رأيي إن أصعب شيء منجد يقهرني ويقهر ناس غيري وماله حل:
إنك تكون إنسان ذكي في مجتمع غبي ، إنك تكون عالم في وسط ناس جهلة ، عاقل بين ناس مجانين ،
لأنك تشوف اليأس بعينك كل يوم وكل ليلة ويصير كابوووووووووووووووووس تود إنك تستيقظ منه لكن ما يمديك لأنك لازم تعيش الواقع .
إيمانك في الناس يضعف وإيمانك في الدين يبدأ يضعف كمان ، تفقد أهدافك وأحلامك لأن حولك ناس يحطموك نفسيا ونيتهم يحطموك قبل أن تبلغ العلا .
تبدأ تشك في نفسك إذا إنت واعي ولا مجنون ، وليش إنت مختلف وإيش السبب ، والسبب أنا حأذكره في نهاية كلامي ، تبدأ تشك في المقربين منك أحيانا وتحس بالوحدانية وهذه كفيلة إنها تجرحك مدى الحياة .
أنا ما أقول كدا عشان تقولوا هذا شايف نفسه ، هذه حقيقة للأسف إن مجتمعنا في غباء عجيب إلا من رحم ربي ،
هذا في رأيي أكثر شيء صعب بالدنيا ، الله يبعد عنا هذا الشعور . وإذا في أحد منكم يحس بكدا فحأعطيكم خلاصة الموضوع ، السبب في وجود ناس يحسوا بكدا إن ربنا خلقهم عشان يكونوا قدوة لباقي المجتمع ، فأنا أنصحهم خلو عندكم شخصية قوية مؤمنة قيادية لأنكم لازم تعرفوا الناس أخطائهم وتعملوا الصح مهما قالوا الناس عنكم .
وشكرا على الموضوع الجميل