[DeleT]

اخوي الغالي

كل طالب وعلى رغبته

وصدقيني ما راح يمشي الا بالمكان اللي يشوف نفسه فيه

وانا طالب بقسم هندسة الطيران وكانت رغبتي الاولى مثلك طيران

صحيح التخصص غير مرغوب شوي لانحصاره بموضوع الطيران

وهذا من وجهة نظر اغلب الطلاب

ومن وجهة نظري انا مرتاح فيه جدا

وهو القسم الوحيد اللي تتخرج ومعاك اعتماديين

اعتماد مهندس ميكانيكي واعتماد مهندس طيران لان هندسة الطيران جزء من الهندسة الميكانيكية

ومن ناحية المواضيع اللي راح تدرسها

تقريبا هي 4 مواضيع رئيسيه
1- ديناميكا الهواء
2- المحركات والاحتراق
3- هياكل الطائرات وبناءها
4- اداء الطائرات
وفي مواضيع اخرى مثل الصيانه
وتصميم الطائرات

ومواد اخرى اختياريه

وهذي نبذه بسيطه عن القسم

واتمنى اكون افدتك

وانت لا تستعجل

وان شاء الله اذا تخصصت هندسة راح تشوف اقسام كثير وراح تسمع كلااام كثير

ممكن انه يغير رايك ورغبتك

واتمنى لك التوفيق