ايوا صح كلامهم حتى أنا كانو يخفضو لي ببطاقة الجامعة 10% و كمان اللي عندهم بطاقة خصم جرير ...
للأسف ما عندنا هديك المكتبات اللي عليها الكلام بس في بعض السوبرماركت تلاقي فيها كم كتاب في مكان الجرايد
مثلا عندك سوبر ماركت الراية لقيت عندهم معظم مؤلفات أجاثا كرستي و بعض الكتب اللي في جرير زي هداك حق المريخ و الزهرة و كتب انتوني روبنز
و كمان عند سوق الحجاز فيه هدولاك اصحاب الوانيتات اللي ناصبين بسطة في الوانيت يبعيو كتب من حقت جرير و العبيكان
شكلي حتى أنا بأسوي بسطة اتكسب فيها بدل الخساير حقت جرير
المهم في كتاب حلو لعائض القرني اسمو
( اعظم سجين في التاريخ ) يشرح فيه قصة يوسف عليه السلام بطريقة شبه روائية
صراحة الكتاب رائع لأنو في معلومات عن سيدنا يوسف أول مره اعرفها غير العبر اللي موجوده في قصة يوسف
انصح به في رمضان <<< ما تقرا الكتب الدينية الا في رمضان ههه
و مذكرات و كتب على الطنطاوي كلها حلوه أنا و بابا نستمتع بقراأتها ...
على أيه حال للأسف مالقيت
عالم صوفي الكترونية لكن عندكم بعض الاقتباسات منها موجوده في المرفقات (وحده قرتها و كتبت بعض من المحتوى التاريخي الموجود بها شكلها كانت تذاكر
) ..
طبعا ما تغني بأي شكل عن قراءه الرواية كاملة و تعيش الجو ... لكن عشان تاخدو فكره عن محتواها ..
و شكرا تومي على اللنكات ..