 تبغوو الصرااحة يا شباب .. والله بديت أخاف من رابغ هذه .. بس مو من طبيعة الدراسة أو كيفية العيشة اللي هناك .. لكن خايف من الشهادة اللي حآخذها منها بعد التخرج .. وهل راح تفيدني أو لأ ..؟؟ قرايبي معيدين واللي شغال بشركة وكذا وكذا .. يقولي من الطبيعي إنو الشركات والتوظيف يأخذ من الجامعات المعروفة فقط أو تكون الجامعات الغير معروفة مجرد سد حاجة للشركة فقط لا غير لأنها تكون أضعف من الجامعات المعروفة ..
وخاصة إنو جامعة رابغ جديدة الحين ..
فعشان كذا .. الموضوع الرسمي .. أبغاكم يا شباب ويا بنات( وخاصة الكبار) تفيدوني وتنصحوني أنا والشباب اللي إنقبلو بإننا .. (خيارات خاصة )
1/ أتوكل على الله وأكمل ..
2/أحول لكلية ينبع الصناعية ..
3/ أحول لكلية العلوم بجدة وبعدين أحول منها ع الهندسة ..
ويا شباب اللي يعرفلي طريقة أقدر أقابل فيها مسؤول وأستفسر عنه أو إذا واحد فيكم عنده علم عن إني ..
1/ هل شهادة رابغ عند التخرج تعتبر تابعة لجامعة الملك عبدالعزيز أو إنه يكون مكتوب فيها ( فرع رابغ ) أو إنها ممكن تكون جامعة مستقلة (جامعة رابغ ) بعد سنتين أو حولها مثل جامعة طيبة ..؟؟
2 / أقدر لو بغيت أدرس سنة وحدة بهندسة رابغ وبعدين أحول على هندسة جدة ؟
إنتهيت .. 
آسف ع الإطالة ومشكووووووووووووووورييييين
|
يا عزيزي لا تتهور وتحول لكلية ينبع ولا لكلية العلوم اذا انت اصلا انقبلت هندسه برابغ راح تندم ندم عمرك ما ندمته بالعربي توكل وكمل وسيبك من كلام فلان وفلان .
بالنسبة للتخرج انت جاوبت على روحك اذا استقلت رابغ بنفسها بعد سنه او سنتين وهذا المتوقع راح يكتب جامعة رابغ واذا لا راح يكتب جامعة الملك عبدالعزيز فرع رابغ
تقدر تحول اذا جبت معدل بس والله ما ادري كم بالضبط او اذا عندك فيتامين واو قوي وكبر راسك لو ان معدلك 1 لانك اصلا بنفس التخصص بس تبي تنقل من محل لثاني
بالنسبه للتوظيف بعد توفيق الله معدلك يعني واحد متخرج باقل منك معدل من جامعة الملك عبدالعزيز وانت اعلى راح ياخذونه مستحيل والله مستحيل
اتمنى اكون افدتك لو بالقليل