رد: بخصوص استمارة طلب التحويل والاسئلة التعجيزيه
السلام عليكم ..
عدد ساعات التخرج ما المقصود وكيف تتم حسابتها بالشكل الصحيح؟؟
عدد ساعات التخرج تعرفيها من الخطة الدراسية حقت قسمك ... يعني مثلاً تخصصك إدارة اعمال افتحي الخطة الدراسية وشوفي اخرررر شي فيها مكتوب اجمالي ساعات التخرج .... ممم يمكن لو زي جامعتنا حتكون 131 ساعه بس تأكدي
وعدد ساعات النجاح هل هي نفس السؤال السابق؟؟
عدد ساعت النجاح ..هوا نفسه عدد الساعات المكتسبه ... يعني مثلاً انتي درستي ترمين وكان مجموع ساعاتك في الترمين 28 ساعه .. بس رسبتي في ماده ب 3 ساعات .. يعني عدد ساعات النجاح 25 ساعه ....
وعدد الساعات المسجله؟؟
عدد الساعات المسجلة هوا عدد الساعات اللي نزلتيها بصرف النظر سواء نجحتي او لأ.. يعني ع المثال السابق حتكون الساعات المسجله 28 ساعه ..
وعدد الفصول الدراسيه ؟؟ وهل هي مهمة لهذه الدرجة ام سؤال روتيني لا اكثر؟؟
عدد الفصول ... يعني ايش مستواك .. يعني كم ترم درستي .. اذا درستي ترمين اكتبي 2 وهكذا..
وأفضلك تجاوبي على كل الأسئلة سواء كان مهم او لأ ..
ان شاء الله أكون أفدتك ...
بالتوفيق...
|