[نضال]

اسمحوا لي بوجهة نظر متطرفة ..

فاحنا الدوله الوحيده اللي تدفع لطلابها مقابل انهم يتعلموا في الجامعات المترديه ..

من باب أولى ان يتم صرف المكافآت على مستوى التعليم في الجامعات و عمل توسعات بحيث تتقبل عدد اكبر من العدد الحالي .. لان المكافات اللي بتطير في فواتير الجوالات و مكالمات انصاف اليالي .. من باب أولى انها تنفق على تعليم شباب اخرين فتحت لهم الشوارع ابوابها على مصرعيها ..

نتيجه " الدلع " اللي يعاني منه طالب الجامعه " مسكين الله يعينه " انه يتخرج من جامعته و هو ما يعرف عن سوق العمل شي .. و قليل خبره و ما عنده لغه و لا كمبيوتر ولا ثقافه .. بعدها يقولك ياخي مافي وظايف !!

طبعا مافي وظايف !!

و لا ننسى ان دا الشي يأثر حتى على معدلات الزواج و الطلاق لان الشاب ما عنده مسئوليه ولا عنده استطاعه انها يتحملها .. فيادوب يتعلم كيف يصرف على نفسه و يلبي احتياجتها .. بتجيب له وحده تعيش معاه ؟؟ عز الله بيجيب الغايبه ..

اتمنى .. انهم يقطعوا المكافات عن الطلاب و الطالبات و يأسسوا ثقافة وظيفه البارت تايم .. فيه كتير مقاهي و اماكن في بلدنا تدور على شباب يشتغلوا فيها ..