[aamz]

مسألة انه مافيه مشاكل من قيادة المرأة .. انسوا .. والله لو يسمحوا راح يكون في بلاوي متلتلة والسبب :
1. ان مجتكعنا بصراحة - وبدون زعل - تفكير غلط الا من رحم الله لوجود كبت وتاخير الزواج وانتشار القنوات اللي علمت كل شي .. فالغريزة موجودة وضعاف النفوس موجودين من الناس العاديين والموظفين والتجار والناس كلهم وحتى رجال المرور خصوصا اذا وقف وحدة قال لها : رخصة واستماره لو سمحتي.. قالت : نسيتها - وهي ما عندها اصلا- الله يخليك مشيها هذي المرة .. قال معليش ممكن تشريفنا في التوقيف24س او القسم اوهذي السيارة عليها بلاغ ولازم نحجزها !!!!!!!!!!!!!! هيا حلها
أ- لعدم وجود قانون رادع للشباب مثل ماتفضلت اختي ميس كيوت (وتراهم بايعينها ولا يفكرون الا بمايلبي الغريزة واذا وقع الفاس قال ياليت)
ب- ضعف الوازع الديني

2. اذا كان الان زحمة فكيف لو ساقت .. والله العضيم اجلس في طريق المدينة احيانا اكثر من ساعة ولافيه حادث ولا شي .. وجلست في الرياض 4 سنين كنت اداوم على خريص اجلس ساعة في الصباح وبالليل اداوم الساعة 12 اخذ 5 دقايق الخط فاضي هههههههه

3. التلوث البيئي اللي بيصير جراء مضاعفة عدد السيارات.. يرحم والدينكم ماعاد اقدر اخرج من البيت اتعب في التنفس

4. الحوادث
5. من اللي بيغير كفر السيارة اذا بنشر - ترا الاستبنه ثقيلة على الحريم- هذي الطامة الكبرى .. وبتشوف الفزعات من الشباب طويلين الذراع.. الله يهديهم
اخيرا هذا وجهة نظر بشئ من الفكاهة وثقالة الدم وسامحوني وكلنا اخوان ولا عاد احد يغلط على الثاني سامعين علما اني قرأت كل الردود