[الصقر (صقرالعالم سابقاً)]

هذي قصيده لمهندس الكلمه الأمير ( بدر بن عبد المحسن )

أتمنى أن تحوز اعجابكم , القصيده جميله وتعبر عن نفسها

يقول فيها :



يطيح جفن الليل وأهز كتفه*نجم يشع وباقي الليل مطفي


وأحاكي الجدران عن وصف غرفه *ماتشبه الجدران ويطول وصفي


وتملني الجدران وأظهر لشرفه*تحت السما وأسكر الباب خلفي


ريح تهب وتسكن العظم رجفه*وتموت ريح وتسكن أوراق نزفي


على الروابي تهطل دموع وطفه*وتصب لمع بروقها وسط طرفي


ياطاري الغدران والعمر رشفه*مع قلها ياليتها يوم تصفي


الحب واجد مير الأقدار صلفه*والأرض واجد لكن الحلم منفي


واللي أعرفه راح ماعاد أعرفه*ولاعاد يذكرني الا أقلبت مقفي


ماهو حبيبي مورد القلب حتفه*ولاهو حبيبي يفرح بوقت ضعفي


مر ثمر هالليل وأمر قطفه*يالحنظل اللي صرت أذوقه بكفي


متى الشوارع تجمع اثنين صدفه*لاصار شباك المواعيد مجفي


ويابنت تو الليل ماراح نصفه*وياليل بعض اللي مضى منك يكفي