[moied]

بسم الله الرحمن الرحيـــــــــــــــــــم
بعد اللغط الكبير الذي اثاره الموضوع الاول لي في هذا المنتدى المفيد للطلاب ع هذا الرابط
http://www.skaau.com/vb/showthread.php?t=83743

ابغا اكتبلكم بعض النصايح المفيدة لطلاب المدارس عموما ولطلاب الجامعة خصوصا في ثاني موضوع ليا وان شاء تستفيدون منها لايجي واحد مطفي النوور ويقولي مردود وما مردود عاجبك الكلام اقراااه مو عاجبك سيبه بسم الله :
1-حط الساعة قبل اقامة صلاة الفجر بربع ساعة وان شاء الله تقووم للصلاة اول ماتقوم اذكر الله باي ذكر يحضرك وقوم اتوضا وع المسجد وذا كله ان شاء الله يبعد عنك الشياطين ويصحصك
2- قوم افطر مع اخوانك ع خفيف مو تعطيها
3-احرص ع حضوور اول اسبوع دراسي غالبا الدكتور يعطيكم فيه اوراق للمادة وايش تتضمن وتعرفون طريقة الدكتور اذا عاجبك ولا لا عشان تغير وفي بعضهم يحضر من اول يووم ودايما الايام الاولى يكوون الحضوور ضعيف وهذا يساعد ان الدكتوور يعرف شكلك واسمك وانك مهتم وبعض الدكاترة يبدااون محاضراات وانت تجي ثاني اسبوع قدهم بدااو وتفلت منك المااادة
4- عدم الغياب الا لاقسى الظرووف لان الدكتوور مو كل شي يكتبه ع السبورة وخويك الي بتنقل منه اكيد مو كل شي كاتبه فمن الاكيد انك بتفلت عليك معلوومه واذا تبغاها من الاخير كل محاضرة تغيبها بيجي سؤال عنها في الاختبار ومابتعرف تحله هذي بتضيع عليك كم درجة غير اذا كان الدكتور ينقص ع الغياب
5-حاول تجي بدري ع الاقل قبل الدكتوورعشان مو يشوفك كل يوم داخل متاخر ويعرف شكلك وتشوفلك مكان مناسب مابقولك في اول صف خليك في الثاني اول الثالث اغلب الصف الاول ماعندهم سالفة خخخخخخخخ
6- لاتقعد تسال كل شويا الدكتور بتلخبط الدكتوور والطلاب الي منت فاهمه سجله في ورقة واسال بعدين خويك واذا مو عارف ارجع للدكتور يفهمك
8-لاتحاول تغلط الدكتور الا في رقم او حساب اشياء زي كذا لاتتفلسف في اشياء منت قدها عشان لا ياخذ بخاطره عاد ع حسب الدكتوور
9- بعد الاختباارات حاول تعرف الاجوبة الصحيحة غالبا يكررها الدكتوور في النهائي لانه في المواد في اشياء الدكتوور لازم يسال فيها عشان ينجحك واذا شاف النتايج في سؤال مهم مثلا اجوبة ضعيفه اكيد انه بيعيده في النهائي لاتضيع سؤال من يدك
10- الترم الصيفي لاتاخذه الا وانت قده واقرا النصايح الي في الرابط وهيا فقط للتخفيـــــــف
11-اختاار اصحابك بعناية مو تنقي واحد جااي بدون لا ورقة ولا قلم
12-اختيار الدكاترة لاتعمتمد ع كلام واحد ولا اثنين كل واحد بيعطيك راي حول الدكتور ع حسب درجته عنده خخخخخخ الا اذا كان دكتور عليه اجمااع من الطلااب
13- احررص ع اخر اسبوع غالبا يكوون فيه تلميحات عن الي جااي في النهائي
والسلاااااااااااام .....