[الصقر (صقرالعالم سابقاً)]

ياللي غيابك طال وبحقي اخطيت .. .. هذاسنه ما اشوف للوصل نيه

هن كانت ثمان اسنين لكن تماديت .. .. في غيبتك كنك تنفذ وصيه

لعبت باعصابي ولا قلت مليت .. .. لا راح اقول باكر مجيه

عانيت بغيبتك انا حيل عانيت.. .. يابغضني للبعد يا رحم حيه

عقبك مشاويري من البيت للبيت .. .. اخاف لا دقيت ماني هنيه

الله ياني في غيابك تحريت .. .. اثر المفارق صعب ماهو شويه

هذا عام وش عاد لو انك ابطيت .. .. والله لتلقى لك هنيا ضحيه

البارحة مابين يمكن ويا ليت .. .. وابليس يتركني ويرجع عليه

فكرت لو طول غيابك ولاجيت .. .. يعني كذا روحه ومن غير جيه

خانتني الدمعة وطاحت وصديت .. .. ملعون ابو التفكير يذبح خويه