[Drama Queen]

س: هل الدراسة صعبه في السنه التحضيريه؟
انا اقولك.. ازا انتا شخص تزاكر اول باول يعني علاقل كل ويكند محا تتعب إن شاء الله بس لو كنت زي حالتي قبل الاختبار بيوم ويومين محا تمشي ابدا.. يعني الجامعة اسئلتها تجي على اساس انك متمكن من المادة وفاهم كل شي مو حافظ كل شي
س:هل الحاسب دراسته عن الافيس اذا كان معي شهادة icdl اقدر اعادله بالحاسب؟
ايوا ازا عندك دي الشهادة تتعادل خلاص
س: وايش اصعب مادة في السنه النحضيريه؟
حسب انتا ايش ميولك.. يعني عموما هيه كلها زي بعض مستوى عالي وصعبه بس لو انتا حاب المادة حتكون اسهل عليك من غيرك.. طبعن دا الكلام عالمواد العلمية اما الباقي روح من دون مزاكرة وتحل و الانجليزي ازا نتا مأسس صح ابدن ما تخاف مرررا مويه كلو اعادة للثنوي + شويه كلمات جديدة وازا لا يبالك شدة حيل قليل بس مو صعب.
س: وهل فيه اوف في الاسبوع او كله دوام ؟ الدوام من كم الى كم؟
احنا داومنا من السبت للبروع وماتوقع حيكون ليكم اوف.. الدوام من 8 ل2 غالبن
س: ايش الفرق بين الخطة أوالخطة ب؟
الجامعة حاطة مواد وقاسمتها على ترمين فخطة تاخد مواد والخطة التانية مواد ولمن يجي الترم التاني يسير يتبادلو الخطة الاولى تاخد مواد التانية والتانية تاخد مواد الاولى ويسير اخر السنة الخطتين اخدو كل المواد.

يعني هوه ناس كتير حيقولوك صعب ومني عارفه ايه ونا ما انكر بس انو انا فهمت على اخر السنة انو الجامعة فهم !! فهمت كل شي حتمشي ما فهمت وراكمت واعتمدت انك حفظت المادة كلها محا تحل لانو حيصادفك اشياء شبه بعض فلمن تبا تحلها محا تعرف ايت طريقة ولا قانون الا ازا انتا فاهم فاهم..
والله يوفقك إن شاء الله ويكون حظك احسن مننا